Qızmar yay günlərində sərin qalmağın yolu - Bunları yeyin...

Qızmar yay aylarında yediyimiz qidalar bədən istiliyinə təsir göstərir. Ən dəhşətli istilərdə sərin qalmaq üçün sadəcə istehlak edilən qidalara və yeməklərə diqqət etmək lazımdır.

Mütəxəssislər yay aylarında bədən istiliyini tarazlayan və bizi sərin tutan bəzi təbii üsulları açıqlayıb. Bunları tətbiq etməklə bütün yayı sərin temperaturda keçirə bilərik.

Balıq: Omeqa-3 kimi sağlam yağ turşularını ehtiva edən balıqlar asanlıqla həzm edilir. Yüngül qidalar olduğu üçün yayda bədənimizi yormur, ürək sağlamlığını dəstəkləyir və sərin qalmamıza kömək edir.

Meyvə və tərəvəzlər: Tərkibində yüksək su ehtiyatı olan yüngül qidaların seçilməsi isti havalarda sərin qalmanıza kömək edəcək. Qarpız, qovun, çiyələk, xiyar və pomidor kimi su tərkibli qidaları qəbul edərək sərinləyə bilərsiniz.

Süd: Süd və süd məhsulları həzmimizi tənzimləməklə yanaşı, həm də bədən temperaturunun soyumağına kömək edən qidalardandır. Bunun üçün kefir və qatıq kimi fermentləşdirilmiş süd məhsullarını da seçə bilərsiniz. Bunlar probiyotik təsiri ilə də həzmi dəstəkləyir.

Bitki çayları: Bitki çayları sağlam quruluşu ilə bədənimizi qoruduğu kimi, soyuducu təsiri ilə də bədənimizi rahatladır. Yay aylarında isti deyil, soyudulmuş və buzlu bitki çaylarına üstünlük verə bilərsiniz. Çobanyastığı və nanə çayı kimi təbii bitki çayları bu məqsəd üçün uyğundur.

Salat: Salatlar təzə və yüngül tərəvəzlərlə hazırlandığından yay ayları üçün ideal məhsuldur. Zeytun yağlı və limonlu salatlar həm sizi sərinlədəcək, həm də çəki atmağınıza kömək edəcək./yenisabah.az

Telegramda izləyin