Hovuz seçərkən nələrə diqqət etməli? - ARAŞDIRMA

Hovuz seçərkən nələrə diqqət etməli? - ARAŞDIRMASon illər Azərbaycanda populyarlaşan idman növlərindən biri də üzgüçülükdür. Artıq sadə insanlar arasında da üzgüçülüyə maraq xeyli artıb. Həkimlər də üzgüçülüklə məşğul olmanın sağlamlıq üçün çox faydalı olduğunu deyirlər.

Maraqlıdır, görəsən, hazırda bu sahədə qiymətlər necədir, hansı problemlər var?

"Kaspi" qəzetinin mövzu ilə bağlı məqaləsini təqdim edirik:

Qiymətlər yaşdan və məşqçinin iştirakından asılı olaraq dəyişir

Qeyd edək ki, bu gün paytaxtla yanaşı, respublikanın əksər bölgələrində üzgüçülük hovuzları mövcuddur. Rəsmi məlumata görə, hazırda ölkə ərazisində 60-dan çox üzgüçülük hovuzu fəaliyyət göstərir. Bunlardan beşi olimpiya standartlarına tam cavab verir. Üzgüçülük hovuzlarında qiymətlər müştərilərin yaşından və məşqçinin iştirakından asılı olaraq dəyişir. Apardığımız araşdırmaya əsasən deyə bilərik ki, qiymətlər əhalinin bütün təbəqəsi üçün əlçatan deyil. Belə ki, bir girişin qiyməti məkandan asılı olaraq 10-25 manat arasındadır. Müştəriyə istəyinə uyğun üç formada - limitsiz, səkkiz və ya 12 giriş olmaqla aylıq hovuz paketi təklif edilir. Paytaxtın mərkəzi ərazilərinə yaxın yerləşən məkanlarda böyüklər üçün limitsiz aylıq paketlərin qiyməti 150-250 manat civarındadır. Mərkəzi hissədən kənar ərazilərdə qiymətlər 105 manatdan başlayır. Dərslərin müddəti isə məşqçi ilə 45 dəqiqə, sərbəst şəkildə bir saat nəzərdə tutulub. 6-12 yaş arası uşaqlar üçün məşqçi ilə aylıq qiymətlər 85 manatdan başlayır.

Düzgün qamət, möhkəm əzələ

Həkim-fizioterapevt Könül Həsənovanın sözlərinə görə, üzgüçülük insan üçün fiziki yükləmənin ən yaxşı növüdür. Həkim bildirib ki, əks göstəriciləri olmadığına görə üzgüçülüklə hər kəs məşğul ola bilər:

"Üzərkən yürüş və qaçış zamanı olduğu kimi dayaq-hərəkət sisteminə yük düşür, lakin suda qravitasiya az təsir etdiyinə görə onun optimal paylaşması baş verir. Suda onurğa sütununa vertikal yükləmə düşmür. Suda hərəkət edərək müqaviməti qət etmək lazım olur. Bu prosesdə gündəlik həyatda işləməyən əzələlər fəaliyyət göstərir. Üzmə zamanı əlavə olaraq avtoxron əzələlər işləməyə başlayır. Məhz bu əzələlər bel sütununu şaquli vəziyyətdə saxlayır. Beldə və qamətdə problem olduğuna görə bu əzələlər çox vaxt pis inkişaf edir".

K.Həsənova deyib ki, hovuzda məşqlər zamanı hərəkət tənzimlənməsi yaxşılaşır, skelet möhkəmlənir, qamət düzəlir. Qan dövranı, ağciyərlərin fəaliyyəti yaxşılaşır, əzələ tonusu möhkəmlənir.

Həkim onu da vurğulayıb ki, su hovuzunda məşqə başlayan uşaqlar fiziki cəhətdən tez inkişaf edir, onların immun sistemi möhkəm olur. Eyni zamanda, onların maddələr mübadiləsi yaxşı işləyir, dayaq-hərəkət aparatı ilə problemləri olmur:

"Müalicəvi üzgüçülük bütün uşaqlar üçün xeyirlidir. Həkimin icazəsi ilə sağlamlığında problem olan uşaqlar üzgüçülüklə məşğul ola bilərlər. Bu idman növü nevroloji problemlərin aradan qaldırılmasına, dayaq-hərəkət sistemində nasazlıq olan uşaqların sağalmasına kömək edir".

Su idman növlərinə maraq hələ də qaneedici deyil

Azərbaycan Üzgüçülük Federasiyasının vitse-prezidenti Tamerlan Abdullazadə isə qeyd edib ki, bir zamanlar bu sahədə ən böyük problem hovuzların sayının azlığı idi:

"Amma bu gün demək olar ki, bütün bölgələrdə, böyük şəhərlərdə üzgüçülük hovuzları və seksiyaları fəaliyyət göstərir. Hazırda 49 Olimpiya İdman kompleksi fəaliyyətdədir. Onların əksəriyyətində üzgüçülüklə peşəkar məşğul olmaq üçün imkanlar yaradılır. Bakı Su İdman Sarayı və Gəncə İdman Sarayı bunun bariz nümunələrindəndir. Apreldə dövlət başçısının açılışını etdiyi Gəncə İdman Sarayında "World Aquatics"in bütün beynəlxalq tələblərinə cavab verən su hovuzu istifadəyə verildi. Federasiya tərəfindən sözügedən üzgüçülük seksiyalarında dərslər keçən məşqçilər üçün mütəmadi seminarlar təşkil olunub və bundan sonra da təşkil olunması nəzərdə tutulub ki, bu da onların kvalifikasiyalarının yüksəlməsinə xidmət edir".

Federasiya rəsmisinin sözlərinə görə, bu gün ən vacib məsələ əhalinin üzgüçülüyə olan marağının kütləvi şəkildə təmin olunmasıdır:

"Təbii ki, ötən beş il ilə müqayisə etsək hazırda bu istiqamətdə vəziyyət xeyli dəyişib. Artıq regionlarda vətəndaşlarımız su hovuzlarına gəlir və üzgüçülüyün sirlərinə yiyələnmək üçün peşəkar məşqçilərdən dərslər alır, sağlamlıqlarını bu idman növü ilə gücləndirirlər. Lakin hazırda ölkəmizdə üzgüçülük üçün yaradılan münbit şəraitin müqabilində su idman növlərinə maraq bizi qane edəcək qədər deyil. Məhz bu vəziyyəti yaxşıya doğru dəyişmək üçün federasiya olaraq Gənclər və İdman Nazirliyi ilə birgə bir sıra kütləvi xarakter daşıyan layihələr icra edirik.

Nə ac, nə də tox vəziyyətdə...

Mütəxəssis bildirib ki, qərb ölkələrinin bir çoxunun təhsil sistemində üzgüçülük məcburi xarakter daşıyır və ayrıca fənn kimi tədris olunur:

"İdmanın bu növü ilə məşğul olmaq sağlamlıqla yanaşı, azyaşlılarda möhkəm iradənin formalaşmasına, o cümlədən məsuliyyət hissinin inkişafına da kömək edir. Bundan əlavə, üzgüçülük əzələ sistemini inkişaf etdirir, piylənmənin, şəkər xəstəliyinin və skoliozun qarşısını alır. Erkən yaşlarda həmin idman növü ilə məşğul olmaq gələcəkdə yarana biləcək su fobiyasını aradan qaldırır. Alimlərin fikrincə, uşaq yeriməzdən əvvəl mütləq üzməlidir. Mütəxəssislər artıq iki aylığından etibarən körpəni suya alışdırmağı məsləhət görürlər. Nə ac, nə də tox vəziyyətdə suya girmək tövsiyə olunmur. Yeməkdən 2-3 saat sonra üzmək daha məsləhətdir. Hovuzda suyun temperaturu 27 dərəcə civarında olmalıdır. Həftədə 2-3 dəfə olmaqla 5-6 yaşlarındakı uşaqlara yarım saat, altı yaşdan yuxarı olanlara isə 45 dəqiqə və ya bir saat məşq etmək tövsiyə edilir".

T.Abdullazadənin sözlərinə görə, üzgüçülük məşqlərinə yazılmaq istəyənlər seçdikləri məkanla bağlı bir sıra məqamlara diqqət yetirməlidirlər. Ən əsas amil hovuzun, daxilindəki suyun və onun ətraf mühitinin sanitar-gigiyenik tələblərə cavab verməsidir. Əlavə olaraq məkanda və soyunub-geyinmə otaqlarında havanın temperaturu lazımi dərəcədə olmalıdır.


Sonxeber.az Telegramda izləyin instagramda izləyin
Maraqlı   Baxılıb: 582   Tarix: 07 iyul 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Avropa avtomobil sənayesinin unikal nümunəsi inanılmaz qiymətə satıla bilər

Oktyabrın əvvəlində "RM Sotheby's" hərrac evi müharibədən əvvəlki Avropa avtomobil sənayesinin unikal nümunəsini - 1939-cu ildə istehsal edilmiş yeganə salamat qalmış "Horch 855" rodsterini hərraca çıxaracaq. Modelin vəziyyətini, nadirliyini nəzərə alaraq, onun 3-4 milyon dollar

29 sentyabr
.

Dünyanın ən təhlükəli işi - MAAŞ 2 MİLYON MANAT

Dünyanın ən təhlükəli mayaklarından birinə gözətçi axtarılır. Ölkə.az xəbər verir ki, ildə 2 milyon manata yaxın maaş alacaq mühafizəçilər burada bir il qalmalıdır. Lakin ayda 165 min manat maaş müqaviləsində belə, heç kim bu işə dözə bilmir. Fransada yerləşən bu mayakda ən kiçik bir səhv həyatınız

2 oktyabr
.

Qızını sevgilisi ilə görən ata ona torpaq yedizdirdi - VİDEO

İrem Helvacıoğlu və Şükrü Özyıldızın baş rollarını paylaşdığı "Karadut" serialının üçüncü bölümünün anonsu müzakirələrə səbəb olub. türk mediasına istinadən xəbər verir ki, anonsda qızı Zuhalın Tayfunu öpdüyünü görən atası əsəbiləşərək Zuhalı anasının qəbrinə aparır. Orda qızına "Kirin

4 oktyabr
.

Niyə burnunuz qaşınır? - Maraqlı İNANCLAR

Əgər burnunuzun ucu qaşınırsa, kimsə sizə aşiq olub. Bu deyimi heç eşitmişdiniz? . Müxtəlif xalqlarda burun qaşınmaları ilə bağlı inanclar var. Burun qaşınması sizi çox yaxın gələcəkdə gözləyən dəyişikliklərin əsas xəbərçisi hesab olunur. Maraqlıdır ki, əlamətlər burnun hansı hissəsinin qaşınmasından

29 sentyabr
.

Tülkü ilə siçanın qarşılaşdığı anlar hər kəsi güldürdü - FOTO

Kanadanın Toronto şəhərindəki parkda tülkü ilə siçanın qarşılaşması anı görüntülənib. xarici mediaya istinadən xəbər verir ki, Kanadanın Toronto şəhərindəki Lakefront Promenade Parkında tülkü fotolarını çəkən kameraman çox maraqlı anı lentə alıb. Fotoda tülkünün bəlkə də ilk dəfə siçanla qarşılaşdığ

4 oktyabr
.

Dünyanın ilk çiçəkləri nə vaxt ortaya çıxıb? – Maraqlı kəşf

Planetimizin 4,5 milyard ildən çox tarixi isti və xoşagəlməz həyatdan yaşıl və bol həyata qədər dəyişən dəyişikliklər gətirib. xəbər verir ki, beynəlxalq alimlər qrupu yeni bir araşdırmada 9500-dən çox növdən 1,8 milyard genetik kod hərfini əhatə edən ən ətraflı həyat ağacını yaradıb. Bu, onlara məlu

3 oktyabr
.

Təkər seçərkən nələrə diqqət etməliyik?

Təkər seçimi avtomobilinizin performansı, təhlükəsizliyi və sürüş rahatlığı üçün son dərəcə vacibdir. Düzgün təkər seçimi yolda yaxşı tutuş və qısa əyləc məsafəsi təmin edərək təhlükəsizliyi artırır. İlk olaraq, təkərin ölçüsü avtomobilin texniki xüsusiyyətlərinə uyğun olmalıdır. Səhv ölçü sürüş zaman

4 oktyabr
.

Rusiyalılar vəfat etmiş yaxınlarının külünü həqiqi brilyantlara çevirirlər: Qiymət açıqlandı

Rusiya paytaxtında qeyri-adi bir xidmət - vəfat etmiş yaxınların külünü həqiqi brilyantlara çevirmək populyarlıq qazanır. -ın verdiyi məlumata görə, bu barədə "Koroçe" "Telegram" kanalı xəbər verib. Bildirilib ki, getdikcə daha çox moskvalı ölən qohumlarının xatirəsini bu cür ekstravaqan

1 oktyabr
.

Sarımsaq qoxusundan necə qurtulmaq olar?

Alinaz fermentinin ifraz etdiyi alisin sarımsağa xarakterik qoxu və dadını verir. Alimlər sarımsaq qoxusuna qarşı effektiv mübarizə apara bilən məhsulları müəyyən etmək üçün araşdırma aparıblar. -a istinadən bildirir ki, yeni bir araşdırmada, tədqiqatçılar adi tam südlü qatıqların sarımsağın qoxusunda

5 oktyabr