26 il sonra eyni cinayəti təkrarladı

Adanada birlikdə işlədiyi dostu Murat Arlını döyərək öldürən, cəsədini ədyala büküb drenaj kanalına atan Atilla Cücünün 1998-ci ildə qonşusunun qızı 9 yaşlı Tuğçeyə cinsi istismar edib, öldürdüyü məlum olub.

Sonxeber.az türk mediasına istinadən xəbər verir ki, İl Polis İdarəsi Cinayət Bürosu tərəfindən yaradılmış xüsusi qrup, şəhər avtovağzalında işçi işləyən və ailəsi tərəfindən itkin düşmüş elanı verilən Murat Arlının Karataş rayonunda, dəniz sahilində yorğana bükülmüş, çürümüş meyitini tapıb.

Cinayəti araşdıran polislər, Arlının söndürülən mobil telefonunun IMEI nömrəsini izləyib. 4 aydan sonra telefonun Qarsdan siqnal verib. Araşdırmada telefonun mərhumun avtovağzalda birlikdə çalışdığı dostu Atilla Cücünün oğlu tərəfindən istifadə edildiyi müəyyən edilib. Adana və Qarsda eyni vaxtda əməliyyat keçirən polis, aralarında Cücü və oğlunun da olduğu 5 şübhəlini saxlayıb.

Polis bölməsində dindirilərkən qətli etiraf edən Atilla Cücü qətli bir anlıq əsəblə törətdiyini bildirib:

"Avtovağzalda bir yerdə qalırdıq. Birlikdə içki içib dalaşdıq. Bir anlıq hirsləndiyim anda onu öldürdüm. Sonra cəsədi yorğana büküb kisənin içinə qoydum, motosikletimlə aparıb drenaj kanalına atdım".

Atilla Cücü həbs edilib, digər 4 nəfər isə məhkəmə nəzarəti şərti ilə sərbəst buraxılıb.

Atilla Cücünün 1998-ci ildə qətl və cinsi təcavüzə görə həbs olunduğu və bir müddət əvvəl sərbəst buraxıldığı öyrənilib. Cücünün qonşusunun o vaxt 9 yaşında olan qızı Tuğçe Omitanı siqaret aldırmaq adı ilə evinə dəvət edib, qıza cinsi zorakılıq etdiyi, sonra isə öldürüb kanala atdığı məlum olub.

Atilla Cücünün həbsxanadan çıxdıqdan sonra və eyni qətli yenidən törətməsi ilə bağlı televiziyada xəbəri izlədiyini deyən Tuğçe Omitanın anası Döne Omita ağrılarının təzələndiyini bildirib və yaşadıqlarından danışıb:

"Cücünün həbsxanada öldüyü xəbərini eşitmişdik. Ölmədiyi ortaya çıxdı və sərbəst buraxıldı. O, yenə də qətl törətdi. Biz qatillərlə yaşayırıq. Bizim həyat təhlükəsizliyimiz yoxdur. Bu adam qızımı öldürüb kanala atıb. Televiziyada bunu görmək məni qızımın öldüyü günə qaytardı. Əsəb keçirdim. Yaşadığım ağrıları sözlə təsvir edə bilmirəm".

Telegramda izləyin