Ölümünə səbəb telefon mesajı imiş

İzmir Karşıyakada balıqçı limanında qayığın buz sandığı içində tapılan 24 yaşlı Hilmiye Tuğba Esginin qısqanclıq zəminində öldürüldüyü məlum olub.

Sonxeber.az türk mediasına istinadən xəbər verir ki, Sahil Mühafizə Komandanlığına aid mühavizəçilər İzmir Karşıyaka Bostanlı İskelesi yaxınlığındakı balıqçı sığınacağında axtarış keçirərkən, it qayıqdakı qoxuya reaksiya verib. İtin reaksiya verdiyi yerə gedən mühavizəçilər, soyuducudan çıxan əl görüblər.

Hadisənin polisə bildirilməsinin ardından hadisə yerinə İzmir Asayiş Şöbə Müdirliyi Cinayət Büro Komandirliyinin qrupu sövq edilib.

Hadisə yerinə gələn prokurorun nəzarəti altında soyuducu açılanda bunun qadın cəsədi olduğu müəyyən edilib. Asayiş Şöbə Müdirliyi Cinayət Büro Komandirliyi tərəfindən aparılan araşdırmada cəsədin 26 yaşlı Hilmiye Tuğba Esginə aid olduğu məlum olub. Prokurorluq və İzmir Təhlükəsizlik Müdirliyi Hadisə Yeri Araşdırma Şöbəsi qruplarının işinin ardından Esginin cansız bədəni Ədliyyə Tibb Təşkilatına aparıb.

24 yaşlı Hilmiye Tuğba Esginin boğularaq öldürüldüyü məlum olub. Onun ölməzdən əvvəl başından zərbə aldığı aşkarlanıb. İzmir Asayiş Şöbə Müdirliyi Cinayət Büro Komandirliyi gəmi sahibi Şenol A., həyat yoldaşı Belgin A. və qayığa bağlı bir adamın da olduğu 3 nəfəri nəzarətə götürüb.

Karşıyaka Respublika Prokurorluğunun koordinasiyasında aparılan istintaqda təfərrüatlar ortaya çıxmağa başlayıb. İzmir Asayiş Şöbə Müdirliyi Cinayət Bürosu qrupları tərəfindən aparılan araşdırmada Hilmiyə Tuğba Esginin qayıq sahibi Şenol A.-nın sevgilisi olduğu üzə çıxıb. Belgin A-nın əri Şenol A-nı Hilmiye Tuğba Esginlə qayıqda tutduğu iddia edilib. Daha sonra Esginin boğularaq öldürüldüyü məlum olub.

Saxlanılan qayıq sahibi Şenol A. tutularaq həbsxanaya göndərilib. Onun həyat yoldaşı Belgin A. və K.B.Ö məhkəmə nəzarəti altında sərbəst buraxılıb. Karşıyaka Respublika Prokurorluğunun koordinasiyasında 20-yə yaxın adamın ifadəsi Asayiş Şöbə Müdirliyi Cinayət Bürosu və Təhlil Büro qrupları tərəfindən dinlənilib. Təxminən 240 saat təhlükəsizlik kamerası görüntüləri izlənilib.

Gəminin sahibi Şenol A.-nın ifadəsində "Tuğba Esgin mənim sevgilimdir. Bir müddətdir qayıqda birlikdə yaşayırıq. Bacısı ilə yazışmalarımı gördü. Mübahisə yarandı. Əvvəlcə onu yerə yıxdım, sonra boğaraq öldürdüm"deyə bildirib.

Hadisə ilə bağlı araşdırmalar davam edir.

Telegramda izləyin

instagramda izləyin