74 yaşlı pianoçu soyuldu

Burqazadada baş verən talan hadisəsi həm yerli əhalini, həm də sosial medianı şoka salıb. 74 yaşlı Niqoqos B. tətildə olarkən iki qadının ondan kömək istədiyini, sonra isə ona tələ qurduğunu bildirib.

Sonxeber.az türk mediasına istinadən bildirir ki, 74 yaşlı Niqoqos B. adlı pianoçu adada restorandan çıxıb evinə doğru addımlayanda iki qadın ona yaxınlaşaraq kömək istəyib. Pul verə bilməyəcəyini, ancaq yemək ala biləcəyini deyən Niqoqos B. qadınların bu təklifə mənfi reaksiyası ilə qarşılaşıb və tezliklə təqib edildiyini anlayıb. O, evinin qarşısına gələndə qadınlar qocaya hücum edərək, cibindən min lirəni oğurlayıb qaçıblar. Nigogos B. hadisə barədə polisə məlumat verib.

Sonxeber.az türk mediasına istinadən xəbər verir ki, qoca qadınları yenidən körpü meydanında görüb və polisə müraciət edib. Lakin qadınlar Nigogos B.-nin onlara cinsi təcavüz etdiyini iddia ediblər.

Bu iddialardan sonra qoca şikayət edib və araşdırma başlayıb. Adalar Respublika Prokurorluğu şübhəli Kader T. ilə bağlı araşdırma apararkən, şübhəli Aysun B.-nin məlumatlarını İstanbul Anadolu Baş Prokurorluğuna göndərib.

İstintaq çərçivəsində hadisə baş verən küçədə olan saç ustası şahid qismində dindirilib. Usta, "Niqoqos adlı şəxsi 20 ilə yaxındır tanıyıram və o, bizim qonşumuzdur. Hadisə baş verən axşam evimə gedirdim, gördüm ki, Niqoqosun arxasınca iki qadın gedir. Qadınlar Nigogosun üstünə hoppanaraq onu yerə yıxdılar. Mən qışqırmağa başlayanda bu iki qadın qaçdı və mən yıxılan Niqoqosu qaldırmağa çalışdım. Sonradan mənə pulunun oğurlandığını dedi" deyə bildirib.

Hadisənin baş verdiyi küçədəki təhlükəsizlik kameralarına da baxış keçirilib. Şübhəlilərin Nigogos B-ni izləyərək hücum etdiyi kameralardan təsdiqlənib. Kamera görüntülərindən məlum olub ki, şübhəlilər Niqoqosu hədəf alıb, ona hücum ediblər və pulu oğurlayıblar.

Prokurorluq şübhəli bilinən 37 yaşlı Aysun B.-nin "Gecə birdən çox şəxsi talama" və "Soyğunçuluq" cinayətlərinə görə 25 ilədək müddətə azadlıqdan məhrum edilməsini istəyib.

Telegramda izləyin