Oğlunu havaya qaldırıb yerə çırpdı

Konyada şadlıq sarayında yanından uzaqlaşan uşağı qəzəblə havaya qaldıraraq yerə çırpdığı üçün saxlanılan ataya ölkəni tərketmə qadağası qoyuldu.

Sonxeber.az türk mediasına istinadən xəbər verir ki, qan donduran hadisə ötən cümə günü axşam saatlarında mərkəzi Meram rayonunda yerləşən şadlıq sarayında baş verib.

Əldə edilən məlumata görə, toya gələnlər arasında olan 8 yaşlı M.H.D qohumlarını tərk edərək zala daxil olub. M.H.D-nı izləyən başqa uşaq da onun arxasınca qaçıb. M.H.D-nın atası R.D və anası zala daxil olublar. R.D icazəsiz zala daxil olduğu üçün oğlunu qəfildən havaya qaldıraraq yerə çırpıb. Həmin anlar anbaan təhlükəsizlik kamerasına əks olunub. Görüntülərdən sonra hərəkətə keçən polislər 8 yaşlı oğlu M.H.D-ni havaya qaldıraraq yerə çırpan 36 yaşlı R.D-ni saxlayıb. İfadəsində bir anlıq qəzəblə yerə çırpdığını deyən R.D polis bölməsindəki ifadəsindən sonra ədliyyəyə sövq edilib.

Məhkəmənin qərarı ilə R.D-ya ölkəni tərketmə qadağası qoyulub.

Telegramda izləyin