Saxladığı itləri zəhərlədilər

Ankaranın Altındağ rayonunda 36 yaşlı Umut Ünalın küçədən tapıb böyütdüyü 7 bala itdən 5-nin şəxsiyyəti məlum olmayan şəxslər tərəfindən zəhərlənərək öldürüldüyü iddia edilib.

Sonxeber.az türk mediasına istinadən bildirir ki, Zübeyde Xanım məhəlləsi, Tesviyeci küçəsində avtomobil təmiri sexində işləyən Umut Ünal 6 ay əvvəl yolda əzilmə təhlükəsi ilə üzləşən 7 it balasını götürərək iş yerinin yanında öz tikdiyi yuvada bəsləməyə başlayıb. Ünal avqustun 5-də iş yerinə gələndə ətrafdakı biznesmenlərin dəstəyi ilə bəslədiyi və böyütdüyü itlərdən 5-ni yerdə hərəkətsiz vəziyyətdə görüb.

Hadisə yerinə gələn baytarın apardığı müayinədə itlərin öldüyü müəyyən edilib. İtlər bələdiyyə əməkdaşlarına təhvil verilib.

Ünal mətbuata açıqlamasında həmin itlərə 6 ay baxdığını bildirib: "Şənbə günü hər şey yaxşı idi. Bazar günü bura bağlı olduğundan bazar ertəsi gəldik. Gələndə bu mənzərə ilə qarşılaşdıq. 7 itdən 4-ü əvvəl öldü, 1-i sonra. Çox güman ki, zəhərləyiblər. Amma bunu kim edib bilmirəm. Qalan iki it çox pis idi. Onların da öləcəyini gözləyirdim. Allaha şükür, yaxşıdılar. Bu itlər zərərli deyil. Onlara ət və süd alıram".

Telegramda izləyin