Canlı yayımda 5 nəfəri bıçaqlayan şəxs saxlanıldı

Avqustun 12-də Eskişəhərdə bıçaqlı şəxs sosial şəbəkədə canlı yayım edərək mülki vətəndaşları bıçaqlayıb. Hadisə nəticəsində 5 nəfəri yaralanıb. Saxlanıldıqdan sonra həbs edilən şübhəlinin üzərində nasist simvolları ilə örtülmüş əşyalar olduğu müəyyən edilib.

Eskişehir Təhlükəsizlik Müdirliyi X sosial şəbəkəsində açıqlama verib:

"Başında dəbilqə, üzündə maska, üzərində hücum jileti və əlində bıçaq olan Arda K. adlı şübhəli, çay bağçasında oturan 5 nəfəri heç bir səbəb göstərmədən bıçaqlayıb. O qaçarkən əməkdaşlarımız tərəfindən tutularaq zərərsizləşdirilib, cinayət törədən kəsici-deşici alət isə dəlil olaraq götürülüb".

Daxili İşlər Naziri Ali Yerlikayanın paylaşdığı videoda təcavüzkarın dəbilqə, hücum jileti, balta və iki bıçaqla olduğu görülüb.

Sonxeber.az türk mediasına istinadən xəbər verir ki, bıçaqlardan birinin üzərində İkinci Dünya Müharibəsində nasist Almaniyasının istifadə etdiyi "svastika", jiletin üzərində isə neonasistlər və ifrat sağçı ekstremistlərin istifadə etdiyi "qara günəş" simvolu olub.

Araşdırma zamanı məlum olub ki, şübhəli şəxs hücumdan əvvəl 16 səhifəlik manifest mətnini dərc edib. Manifestdə o, potensial hücumları kompüter oyunu kimi müxtəlif çətinlik səviyyələrinə bölmüş, törədiləcək qətlləri ciddiliyinə görə hesablamış, müxtəlif etnik qrupları və icmaları təhqir etmişdir.

Manifestdə 2019-cu ildə Yeni Zelandiyanın Kraystçörç şəhərində iki məscidə basqın edən və 51 nəfəri öldürən Brenton Tarrant, 2011-ci ildə Norveçdə yay düşərgəsində 77 nəfəri öldürən Anders Berinq Breyvik, Lasda 60 nəfəri öldürən Stiven Peddok 2017-ci ildə Vegas, 1995-ci ildə Oklahomada təşkil etdiyi bombalı hücumla 168 adamı öldürən Timothy McVeigh "müqəddəs" olaraq xarakterizə edilib.

Ailə və Sosial Xidmətlər naziri Mahinur Özdemir Göktaş açıqlamasında hücumu "rəqəmsal oyun asılılığı" ilə əlaqələndirib.

Göktaş: "Oyunların mənfi təsirlərindən qaynaqlanan hallarla əvvəllər də qarşılaşmışdıq. Bu gün oyun asılılığı ciddi problemdir. Dünən baş verən bu hadisə vəziyyətin ciddiliyini və aktuallığını bir daha ortaya qoydu" deyə bildirib.

Faktla bağlı araşdırmalar davam edir.

Telegramda izləyin