İş yoldaşını öldürüb qaçdı

Muğlanın Ortaca rayonunda mübahisə etdiyi şəxs tərəfindən sinəsindən güllə yarası alan Mutlu Kılıç xəstəxanada edilən bütün müdaxilələrə baxmayaraq xilas ola bilməyib.

Sonxeber.az türk mediasına istinadən xəbər verir ki, hadisə saat 22:00 radələrində Ortaca rayonunun Beşköprü Məhəlləsində baş verib.

Mutlu Kılıçla eyni iş yerində işləyən F.Y.-nin arasında naməlum səbəbdən mübahisə yaranıb.

Mübahisə zamanı F.Y tapança ilə Mutlu Kılıçın sinəsindən atəş açıb. Qanlar içində yerə yıxılan Kılıç ağır yaralanıb. Xəbər üzərinə hadisə yerinə gələn təcili yardım əməkdaşları tərəfindən xəstəxanaya aparılan Kılıç, edilən bütün müdaxilələrə baxmayaraq xilas ola bilməyib. Hadisədən sonra qaçan qətl şübhəlisi F.Y.-hələ tapılmayıb. Qətllə bağlı istintaq davam edir.

Telegramda izləyin