Hamilə qadına küçədə təcavüz olundu

İstanbul Sultanqazidə səkidə gedən hamilə qadına təcavüz edilib. Günorta saatlarında küçənin ortasında baş verən təcavüz ətrafdakı iş yerinin təhlükəsizlik kamerasına əks olunub.

Sonxeber.az türk mediasına istinadən xəbər verir ki, hadisə dünən saat 09.50 radələrində Sultanqazi 1. Cebeci küçəsində baş verib.

İşdən çıxıb evə qayıtmaq üçün yolda gedən qadın arxadan ona kiminsə yaxınlaşdığını hiss edib.

Qadın şübhəlinin onun önünə keçməsi üçün sürətini azaldıb. Şübhəli qadının qarşısını kəsib, sonra onun qollarından tutub.

Küçənin boş olmasından istifadə edən şübhəli qadına təcavüz edib. Daha sonra isə hadisə yerindən qaçıb. Hamilə olduğu məlum olan qadının təzyiqə məruz qaldığı anlar yaxınlıqdakı iş yerinin təhlükəsizlik kamerasına saniyə-saniyə əks olunub

Araşdırma zamanı, şübhəlinin hadisədən 2 saat sonra qadının işlədiyi xəstəxananın ətrafında göründüyü məlum olub.

Şübhəli polis tərəfindən saxlanılıb. Faktla bağlı araşdırmalar davam edir.

Telegramda izləyin