Soyuducudan ölü pişik tapdılar

Bursada market sahiblərinin bəslədiyi 'Kontes' adlı pişik servisə göndərilmək üçün qəssab dükanının önünə qoyulan soyuducuda ölü tapılıb.

Pişiyin boğularaq öldüyü təxmin edilir. Araşdırılma zamanı təhlükəsizlik kamerası görüntülərində Kontesi M.İ. adlı uşağın (5) soyuducuda kilidlədiyi müəyyən edilib. Bursa Respublika Prokurorluğu, M.İ.-nin yaşının az olması səbəbindən hadisə ilə bağlı "təqibə ehtiyac olmadığına" qərar verib.

Sonxeber.az türk mediasına istinadən xəbər verir ki, hadisə avqustun 12-də mərkəzi Nilüfer rayonunda yerləşən Aqora bazarında baş verib.

Səhər saatlarında işlədiyi qəssab dükanına gələn İsmail Çalışkan təmizlik edərkən xidmətə göndərilmək üçün bayıra qoyduqları soyuducuda bir pişik olduğunu görüb. Ölən pişiyin təxminən 10 ildir dükan sahibləri tərəfindən saxlanılan "Kontes" olduğu ortaya çıxıb.

112 Təcili Zəng Mərkəzinə məlumat verən market satıcıları polisin araşdırmasından sonra Kontesi basdırıblar.

Dükançı Dilek Savran bildirib ki, Kontesi soyuducuda ölü tapdılar:

"10 ildir bizim pişiyimiz idi. Səssiz, sakit, çox şirin bir pişik idi. Bunu edənin tez bir zamanda tutulmasını istəyirəm. Çox təəssüf edirəm ki, bizim pişiyimiz boğularaq orada qalıb, çox əziyyət çəkib".

Hadisənin ardından Bursa Respublika Prokurorluğunun təlimatı ilə başladılan istintaq çərçivəsində İl Təhlükəsizlik Müdirliyi Asayiş Şöbə Müdirliyinə bağlı Ətraf Mühit, Təbiət və Heyvanları Qoruma Bürosu qrupları ətrafdakı təhlükəsizlik kameralarının görüntülərini araşdırıb.

Avqustun 10-u axşam saatlarında ailəsi ilə bazara gələn 5 yaşlı M.İ. -nin ailəsi bazarlıq edərkən marketdə oynadığı, bir müddət Kontes ilə oynamaq istədiyi və pişiyin qaçdığı, daha sonra uşağın pişiyi tutub soyuducuya qoyaraq qapağını bağladığı görülüb.

Bursa Respublika Prokurorluğu, M.İ.-nin yaşının az olması səbəbindən hadisə ilə bağlı "təqibə ehtiyac olmadığına" qərar verib.

Telegramda izləyin