Küçədə qarşısına çıxanları bıçaqladı

Yozgatın Sorğun rayonunda 17 yaşlı Z.Y. Ağahəfəndi qəsəbəsi Huzur 2 Sitesinin qarşısında 14 yaşlı Furkan Ünal və E.G-ni bıçaqla yaralayıb.

Sonxeber.az türk mediasına istinadən xəbər verir ki, Z.Y daha sonra onu tutmağa çalışan 61 yaşlı M.L-ni Salih Paşa məscidinin qarşısında bədəninin bir neçə hissəsindən bıçaqlayıb. O hadisə yerindən qaçarkən başqa şəxsləri bıçaqlamaq istəsə də, buna nail ola bilməyib.

Yaralılar Sorğun Dövlət Xəstəxanasına çatdırılıb. Vəziyyəti ağır olan Furkan Ünal xəstəxanaya çatdırılsa da, orada dünyasını dəyişib.

Qaçan şübhəli polis tərəfindən saxlanılıb.

Sorğunlular bildirirlər ki, rayonda zorakılıq hallarının artması onları çox narahat edir. Xüsusilə gənclər arasında belə hadisələrin tez-tez baş verməsi cəmiyyətdə təhlükəsizlik narahatlığını artırır. Bir çox vətəndaşlar düşünür ki, bu vəziyyət Sorğunda getdikcə genişlənən narkotik istifadəsi ilə bağlıdır.

Telegramda izləyin