5 yaşlı uşaq balkondan yıxıldı

Evin balkonundan yerə yıxılan oğlunu qucağında xəstəxanaya çatdırmaq istəyən atanın çətin anları ürək ağrıdıb.

Sonxeber.az türk mediasına istinadən xəbər verir ki, Bursanın İnegöl rayonunda 1-ci mərtəbədəki evin balkonundan başı üstə yıxılan 5 yaşlı Mahmud Mustafa ağır yaralanıb. Atası və qonşusu tərəfindən təcili xəstəxanaya çatdırılan uşağın vəziyyəti ağır olduğu üçün Bursaya göndərilib.

İnegöl rayonu, Ərtoğrulqazi rayonu, Kırçiçək küçəsində yerləşən 3 mərtəbəli yaşayış binasının 1-ci mərtəbəsində evinin balkonunda oynayarkən məhəccərlərdən asılı qalan Mahmud Mustafa yıxılıb. Oğlunu qan içində görən iki uşaq atası Suriya əsilli Əli Mustafa onu qonşusunun köməyi ilə maşına mindirərək İnegöl Dövlət Xəstəxanasına aparıb.

Əli Mustafa oğlunu qucağına alaraq qonşusunun köməyi ilə təcili yardıma çatdırıb və həmin anlar onun mobil telefonuna lentə alınıb. Həkimlər tərəfindən ilkin tibbi yardım göstərilən Mahmutun həyatı təhlükədə olduğu üçün təcili yardımla Bursadakı Yüksek İhtisas Xəstəxanasına göndərilib.

Hadisə ilə bağlı araşdırmalara başlanılıb.

Telegramda izləyin