İtkin düşən gəncin meyiti tapıldı

Hatayın Defne mahalında 5 gündür xəbər alınmayan şizofreniya xəstəsi Mehmet Can Buzun cəsədi yaşadığı şəhərin 500 metrliyində tərk edilmiş binada tapılıb. Buzun ölümünün dəqiq səbəbi polisin apardığı araşdırma nəticəsində bəlli olacaq.

Sonxeber.az türk mediasına istinadən xəbər verir ki, Defne mahalının Çekmece rayonunda yaşayan Mehmet Can Buz keçən çərşənbə günü hava almaq üçün evi tərk edib.

Elektrik və elektronika fakültəsini bitirən 31 yaşlı Buz ailəsinin zənglərinə cavab vermədiyi üçün ailəsi itdiyini düşünərək polisə məlumat verib. Depressiya və şizofreniya diaqnozu olan gənci ailəsi küçə-küçə axtarsa da, tapmaq mümkün olmayıb.

Buzun cansız bədəni 5-ci gün səhər saatlarında yaşadıqları şəhərdən 500 metr aralıda tərk edilmiş yaşayış binasında tapılıb.

Hadisə yeri araşdırma polislərinin işindən sonra ailəsi itən şəxsin Mehmet Can olduğunu təsdiq edib.

Hadisə yerində aparılan araşdırmalardan sonra gəncin meyiti ölümün dəqiq səbəbini müəyyən etmək üçün tibbi ekspertizaya göndərilib. Buzun ölümünün dəqiq səbəbi polislərin apardığı araşdırma nəticəsində bəlli olacaq.

Telegramda izləyin