Mağaza sahibi azyaşlı müştərilərə təcavüz edib ?

İstanbulun Esenyurt şəhərində iki qız qəssab dükanında təcavüzə məruz qaldıqlarını iddia edərək qışqıraraq kömək istəyiblər. Yerli sakinlər tələsik hadisənin baş verdiyi mağazaya tərəf qaçıblar. Polis mağaza sahiblərinin döyülməsinin qarşısını alıb.

Sonxeber.az türk mediasına istinadən xəbər verir ki, Esenyurtun Əyyubi rayonunda ət və şirniyyat məhsulları satılan mağazaya alış-verişə gələn iki uşağın təcavüzə məruz qaldığı iddia edilib.

Uşaqlar kömək üçün qışqırıblar. Ətrafdakı insanlar tez bir zamanda mağazaya toplaşıblar. Qəzəbli məhəllə sakinləri ilə mağaza sahibi arasında dava düşüb. Dava hadisə yerinə gələn polisin müdaxiləsi ilə başa çatıb.

Hadisə yerinə çoxlu sayda çevik polis və xüsusi əməliyyat polisi də göndərilib.

Təcavüzkar olduğu iddia edilən Y.E polis bölməsinə aparılıb. Təhlükəsizlik kamerası görüntüləri nəzarətə alınıb.

Hadisə ilə bağlı istintaq davam edir.

Telegramda izləyin