Vəkilə əxlaqsız təklif etdilər

Saytlarda sərfəli qiymətə bağ mebeli elanları yerləşdirərək insanları aldadan şəxslər bu dəfə də vəkili aldadıblar. Vəkil Esma Tütüncünün pulunu alan şəxslər məhsulları göndərməyib. Vəkil pulunu istədiyi şəbəkə üzvlərindən əxlaqsız tələblərə məruz qalıb. Sözügedən şəxslərə qarşı cinayət işi açılıb.

Sonxeber.az türk mediasına istinadən xəbər verir ki, bağ mebeli reklamları ilə minlərlə insan aldadılıb. Münasib qiymətə məhsul tapdığını düşünən alıcı, ödənişi etdikdən sonra şübhəlilərdən bir daha xəbər ala bilmir. Bakırköy Respublika Prokurorluğuna verilən cinayət işi üzrə şikayətdə bir qrup şəxsin "cinsi təcavüz" və "şantaj" , eləcə də dələduzluq cinayətini törətdiyi bildirilib.

İstanbul 2 saylı Vəkillər Kollegiyasının üzvü olan vəkil Esma Tütüncü internet saytındakı elanda gördüyü bağ mebelini almaq qərarına gəlib. Tütünçü ödənişi ona verilən hesaba edib. Qısa müddət sonra özünü 'Murat Dönence' olaraq tanıdan bir adam, vəkil ilə əlaqə saxlayıb, ödənişin səhv edildiyini və pulun qaytarılmasının 30-40 günə qədər çəkə biləcəyini bildirib.

Tütüncü adı ödəniş kanalı kimi hallanan elektron ticarət saytına zəng edəndə aldadıldığını anlayıb. O bu dəfə "ASS Bahçe Mobilyanın" xəttinə zəng edərək pulunu istəyib. Bu zaman Tütüncüyə qarşı təhdid, təhqir, cinsi təcavüz və şantaj cinayətləri törədilməyə başlayıb.

Tütünçü onu aldadan və əxlaqsız təkliflər edən şəxslərdən şikayət edib.

'Mənimlə münasibətə razılıq versən pulunu verərəm' deyə sözügedən şəxslərdən biri telefonda vəkilə deyib.

O "Həbsxanaya gedəcəksiniz. Sənin etdiyin cinayətdir" desə də, bu insanlara təsir edə bilməyib. Tütüncü prokurorluğa müraciətində yaşadıqlarını belə izah edib: "Bir yerdə yataq kimi əxlaqsız və kobud sözlər dedilər. Özünü Akın Baytar kimi təqdim edən şəxs "Mənimlə yatsan, pulunu verərəm" dedi. Sonda isə dedi ki, bizdən şikayət etsəniz, ofisinizə basqın edəcəyik".

Vəkil qeyd edib ki, ona qarşı silsilə cinayətlər törədən şübhəlilər Akın Baytar, Ferhat Yakut, Ahmet Buğra Çetin və Murat Dönence və adını bilmədiyi bir şəxsdir. O bu şəxslərin ona ünvanlanmış ittiham mesajlarının surətini prokurorluğa verib.

Hadisə ilə bağlı araşdırmalar davam edir.

Telegramda izləyin