Nənə və nəvələri göldə boğuldu

Kocaeli Kandırada bənd gölünə düşən iki nəvəsi üçün suya atılan nənə və nəvələri həyatlarını itiriblər.

Sonxeber.az türk mediasına istinadən xəbər verir ki, Kandıra rayonunda 58 yaşlı Tenzile Karaca əri və iki nəvəsi ilə Güvercinlik Barajına piknikə gedib.

Həyat yoldaşı maşından əşyaları gətirməyə gedərkən nəvələri müvazinətini itirərək bənd gölünə düşüblər.

Uşaqların suda boğulduğunu görən Tenzile Karaca bir an belə düşünmədən nəvələri üçün suya atılıb.

Karaca boğulma təhlükəsi ilə üzləşib. Vəziyyəti anlayan əri suya atılaraq Karacanı çıxarıb.

Məlumat üzərinə hadisə yerinə gələn xilasedicilər uşaqların cansız bədənlərini sudan çıxarıb. Xəstəxanaya çatdırılan Karacanın həyatını xilas etmək mümkün olmayıb.

Nənə və iki qardaşın cənazəsi İzmitdə torpağa tapşırılacaq.

Telegramda izləyin