Lüks avtomobillə qəza törədib xaricə qaçdı

İstanbulda lisenziyasız lüks avtomobil sürərək Oğuz Murat Açının ölümünə səbəb olan və anası tərəfindən ABŞ-a qaçırılan Timur Cihantimurla bağlı yeni təfərrüat ortaya çıxıb. Belə ki, Cihantimur həbsxanada telefon hüququndan yalnız bir nəfər üçün istifadə edib.

Sonxeber.az türk mediasına istinadən xəbər verir ki, 17 yaşlı Timur Cihantimur sənədsiz avtomobil idarə edərək Oğuz Murat Acının ölümünə və 4 nəfərin yaralanmasına səbəb olub. Anası Eylem Tok hadisəni eşidən kimi ABŞ vətəndaşı olan oğlu Timur Cihantimuru elə həmin gecə əvvəlcə Misirə, oradan da ABŞ-a qaçırıb.

Türkiyə tərəfindən qırmızı xəbərdarlıq edilən və 106 gün sonra tutularaq Boston həbsxanasına göndərilən ana və oğulla bağlı yeni təfərrüatlar ortaya çıxmaqda davam edir.

Timur Cihantimur həbsxana şəraitinin pis olduğunu əsas gətirərək iki dəfə başqa yerə köçürülüb. Vəkilləri müvəkkilinin psixoloji durumunun yaxşı olmadığını əsas gətirərək azadlığa buraxılmasını istəyib.Lakin bu tələbləri cavabsız qalıb.

Takvimin xüsusi xəbərinə görə, qatil Timur Cihantimurun həbsxanada ancaq sevgilisindən başqa heç kəsə zəng etmədiyi üzə çıxıb.

Telegramda izləyin