Toyuna 15 gün qalan gəlin vəfat etdi

Hatayın Antakya rayonunda yaşayan İdal Şahin adlı gənc qadın toyuna 15 gün qalmış ürək tutması nəticəsində dünyasını dəyişib. Ailə gəlinlik duvağını və gəlin güllərini qızlarının məzarının üstünə qoyub və qızları üçün göz yaşı töküblər.

Sonxeber.az türk mediasına istinadən xəbər verir ki, Antakyanın Günyazı rayonunda yaşayan Mehmet Şahin və Himeme Şahin cütlüyünün 19 yaşlı qızı İdal Şahin toyuna 15 gün qalmış ürək tutmasından dünyasını dəyişib.

Zəlzələdən əvvəl Sergen Küçük ilə nişanlanmaq üçün günləri sayan İdal Şahinin nənəsi vəfat etdiyi üçün nişan təxirə salınıb.

Zəlzələdən sonra nişanlanan İdal Şahin iyulun 14-də evlənəcəkdi, amma bu dəfə də əmisi dünyasını dəyişdiyi üçün toyu təxirə salınıb.

Nəhayət toy gününü təyin edən İdal toya 15 gün qalmış ürək tutmasından dünyasını dəyişib.

Həyatını itirən İdal Şahinin cənazəsi məhəllə qəbiristanlığında torpağa tapşırılıb.

Gənc yaşlarında dünyasını dəyişən gənc qızın məzarı üzərinə gəlin duvağı və çiçəkləri qoyulub.

Telegramda izləyin