19 yaşlı arvadını küçədə ölümcül döydü

Manisanın Akhisar rayonunda Yılmaz Akman adlı şəxs dini nikahda olduğu 19 yaşlı Sude Naz A-nı küçənin ortasında əlindəki dəmir parçası ilə ölümcül döyüb. Gənc qadının yumruq zərbələri ilə yerə yıxıldığı an ətrafdakılar hadisəyə biganə qalıb. Bu zaman yaşlı bir kişi vəziyyətə reaksiya verib və araya girib. Qocaya dəstək verən dükançılar Akmanı döyməyə başlayıb. Polis Akmanı vətəndaşların əlindən zorla xilas edib və saxlayıb. Daha sonra Akman həbs olunaraq həbsxanaya göndərilib.

Sonxeber.az türk mediasına istinadən xəbər verir ki, Manisada bir şəxs dini nikahda olduğu qadını küçənin ortasında ölümcül döyüb.

Hadisə avqustun 15-də Paşa məhəlləsi, Şehit Teğmen Tahir Ün küçəsində baş verib.

Yılmaz Akman kəndə getməyə razı sala bilmədiyi Sude Naz A-nı küçənin ortasında qəfil döyməyə başlayıb.

Akman yumruq zərbələri ilə gənc qadını yerə yıxıb.

Gənc qadının başına yumruq vurmağa davam edən Akmanın ürəyi soyumayıb və yerdən tapdığı dəmir parçası ilə onu döyməyə davam edib.

Cütlüyün 3 yaşlı oğlunun gözü qarşısında baş verən bu hadisəyə vətəndaşlar uzun müddət reaksiya vermədən izləyib.

Yaşlı kişi baş verənlərə biganə qalmayıb və hadisəyə müdaxilə edib.

Bu vaxt ətrafdan gələn dükançılar qocaya dəstək verərək gənc qadını xilas edib Akmanı döyməyə başlayıblar.

Polis döyülməkdə olan Akmanı qəzəbli kütlənin arasından zorla xilas edib.

Akman nəzarətə alınıb.

Akhisar Rayon Polis Şöbəsindəki ifadəsindən sonra ədliyyəyə sövq edilən Akman məhkəmə tərəfindən həbs edilib.

Sude Naz A. və övladının səhhətinin yaxşı olduğu bildirilib.

Telegramda izləyin