Papikyan yerində dinc DAYANMIR: Müharibə BAŞLAYACAQ? - ŞƏRH

Bildyimiz kimi, Putinin Bakıya səfəri və Ermənistanın silahlandırılma istiqamətində aktiv işlərin görülməsi gündəm oldu. Ermənistan sərhəddə yaxın ərazlərə ağır texnikalar yığır və istehkam işləri görür. Qarşı tərəf 4 ildir ki, üzərinə düşən tələbləri yerinə yetirmir və təxribat törətmək üçün əlindən gələni edir. Digər tərəfindən Ermənistanı Hindistan, Fransa və ABŞ silahlandırırdısa, artıq onların arasına Almaniya qatıldı. Almaniyanın buradakı mövqeyi xüsusi təəssüf doğurur. Çünki bitərəf mövqe göstərdiyi iddia edilsə də, alman istehsalı olan silahlar və ağır texniklar ermənistana daşınır.

Ermənistan müdafiə naziri Suren Papikyanda yerində dinc dayanmır. Şərti sərhəddə gələrək istehkam işlərini yoxlayıb və rəsmi məlumatda "cəbhə xətti"ni gəzdiyi deyilir. Proseslərə nəzər yetirsək, Papikyan şərhi sərhəddə boşuna baxış keçirmir. Bu baxımdan müharibənin yaxın amanda baş verəcəyini deyə bilərik?

Məsələ ilə bağlı Sonxeber.az-a danışan siyasi şərhçi Faiq Ələkbərli deyib ki, Ermənistan və Azərbaycan arasında müharibənin ən azı 100 illik tarixi vardır:

Sovetlərin dağılması ərəfəsində və ondan sonra biz Birinci və İkinci Qarabağ müharibəsini yaşadıq. Daha sonra antiterror əməliyyatları həyata keçirildi. Baş verənlər sülhün yaranması mənasına gəlmir. Hər iki tərəf özünə görə tam olaraq razı deyil. Azərbaycan burada üstün tərəfidir. Azərbaycan sülhün bağlanmasına qədərki prosesin onun maraqlarına uyğun olmayacağı təqdirdə müharibə qaçılmazdır. Ermənistan daha çox müharibə meyillidir. Paşinyan müharibədən kənara qaçmaq istəyir. Amma qərb dövlətlərinin burada öz maraqları var. Daha çox qərb dövlətləri, başda Fransa olmaqla Ermənistanı müharibəyə hazırlaya bilər. Son həftələr bu daha çox müşahidə olunur".

Siyasi şərhçinin sözlərinə görə, Fransa müəyyən mənada sülhdən öncə hər hansısa kiçik miqyasda belə olsa, müharibənin olmasını istəyir. Əlbəttə ki, Azərbaycan buna yol vermək niyyətində deyil:

"Burada Rusiya amili böyük rol oynayır. Vladimir Putinin Bakıya səfəri və buna qarşı Ermənistanın silahlanmasının sürətləndirilməsi buna nümunədir. Qərb dövlətləri Ermənistanın arxasında dayanaraq Azərbaycanı Ermənistanın əli ilə cəzalandırmaq niyyəti güdür. Sanki onların nəzərində "demokratik" Ermənistan var. Ermənistan müdafiə nazirinin sərhədboyu gəzişməsi və hərbi hissələrində olması təsadüfi deyil. Müharibənin yaxın yaxud uzaq tarixdə olması bəlli deyil. Amma təxribatlar davam edərsə, kiçik çaplı toqquşmalar baş verə bilər. Əvvəllər Ermənistanı Rusiya müharibəyə sövq edirdisə, indi isə bu hal dəyişib. Rusiyadan daha çox qərb dövlətləri müharibəyə sürükləyə bilər. Bu baxımdan baş verə biləcəklərə hazır olmalı və Azərbaycana sərf etməyən sülh sazişi bağlanmamalıdır. Bu sülh sazişi bağlansa belə, yeni mərhələdə müharibənin olması qaçınılmazdır".

Sevda Səfərova

Telegramda izləyin