Liposaksiya əməliyyatı etdirən qadının həyatı kabusa çevrildi

Aydının Didim rayonunda yaşayan Charm Pixie Howels adlı qadın artıq çəkisindən narahat olduğu üçün liposaksiya əməliyyatı etdirməyə qərar verib. 28 yaşlı britaniyalı qadın İzmir Torbalıdakı özəl xəstəxanalardan birinə gedib.

Sonxeber.az türk mediasına istinadən xəbər verir ki, gənc qadın 200 min lirə ödəyərək əməliyyat olunub. Lakin bu əməliyyatdan sonra Howels-in həyatı kabusa çevrilib. Qadının bədənindəki yaralar sağalmadığı üçün 4 ay ərzində 9 dəfə bıçaq altına yatmalı olub. Howels həkimin səhv proseduru həyata keçirdiyini əsas gətirərək şikayət edib.

"Yeni Asır"dan Kazım Yörükçənin xəbərinə görə, Howels yaşadığı hadisəni belə izah edib: "Əməliyyatın ortasında narkozun təsiri keçdi və oyandım. Əməliyyatdan sonra bədənim tanınmaz hala düşdü. Həkimin müdaxiləsinə baxmayaraq, sağalmadım. Ailəmlə dəfələrlə xəstəxanaya getdim, təkrar əməliyyat oldum. Amma bir faydası olmadı. Həkim bizimlə kifayət qədər maraqlanmadığı üçün xəstəxanamızı dəyişdik və həkimdən şikayət etdik".

Howels İzmirdəki xəstəxanada sağalmadığı üçün Sökedəki özəl xəstəxanaya müraciət edib. Qadının ayağından alınan toxuma sayəsində vəziyyətinin yaxşılaşdığı öyrənilib. Gənc qadın bildirib ki, bu tip əməliyyata girmək istəyənlər hərtərəfli araşdırma aparmalıdırlar.

Telegramda izləyin