Yük maşını ilə motosiklet toqquşdu

Adananın Seyhan rayonunda motosikletlə yük maşınının toqquşması nəticəsində motosikletdə əyləşən qadın ölüb, yük maşınının sürücüsü isə saxlanılıb.

Qəzanın təfərrüatlarına görə, Turhan Camal Beriker bulvarının kəsişməsində Ercan Toqayın (54) idarə etdiyi motosiklet H.M.K -nin idarə etdiyi yük maşını ilə toqquşub. Zərbənin təsirindən motosikletdə olan Ercan Toqay və həyat yoldaşı Havva Toqay (53) yola yıxılıb.

Sonxeber.az türk mediasına istinadən xəbər verir ki, toqquşmanın gücündən motosikletin arxa tərəfində oturan Həvva Toqay yük maşınının altına düşüb. Hadisəni görən yaxınlıqdakı sakinlər dərhal polisə və təcili tibbi yardıma məlumat verib.

Hadisə yerinə gələn təcili tibbi yardım əməkdaşlarının ilk müdaxiləsindən sonra Havva Toqayın öldüyü müəyyən edilib. Ercan Toqay xəstəxanaya aparılıb.

Qəzadan sonra Həvva Toqayın yaxınları göz yaşları içində əraziyə gəliblər. Qohumların uzun müddət meyitin yanında səssizcə oturması görənlərin ürəyini ağrıdıb.

Qəzadan sonra yük maşınının sürücüsü H.M.K saxlanılıb.

Telegramda izləyin