Ata 3 qızını öldürüb intihar etdi

İzmirdə ata 4 uşağından 3-nü öldürüb, daha sonra isə intihar edib.

Sonxeber.az türk mediasına istinadən xəbər verir ki, hadisə səhər saatlarında Mərkəzi 4541/1 küçəsində baş verib. Psixoloji problemləri olan Vesih Şimşək övladları Hiranur, Cemre, Ceylin və Niranı öz zeytun bağına gətirib. Burada o, naməlum səbəbdən 4 uşağını yanında olan silahla dəfələrlə güllələyib.

Uşaqlar bədənlərinin müxtəlif yerlərindən güllə yaraları alıblar. Daha sonra Şimşək qohumuna zəng edərək uşaqlarını vurduğunu, özünün də intihar edəcəyini bildirib və eyni silahla da intihara cəhd edib.

Məlumat üzərinə hadisə yerinə təcili tibbi yardım və polis sövq edilib. Təcili tibbi yardım Cemre, Ceylin və Niranın öldüyünü müəyyən edib. Ağır yaralanan Vesih və Hiranur Şimşək təcili yardımla xəstəxanaya aparılıb.

Hadisə ilə bağlı araşdırmalara başlanılıb.

Telegramda izləyin