Görüşdüyü qadını girov götürdü

İzmir Bornova şəhərində A.G adlı şəxs təzə tanış olduğu H.D adlı qadını girov götürüb.

Sonxeber.az türk mediasına istinadən xəbər verir ki, dünən Bornova rayonunda A.G ilə H.D. görüşüb. A.G naməlum səbəbdən birlikdə getdikləri kafedə H.D-ni silahla təhdid edərək girov götürüb.

Ətrafdakıların məlumatı üzrə hadisə yerinə polis gəlib. A.G polisə atəş açıb. Polis havaya xəbərdarlıq atəşi açdıqdan sonra şübhəli şəxslə danışıb onu sakitləşdirməyə çalışıb.

İki saatlıq razı salma cəhdindən sonra polis şübhəlinin tutub. Onun üzərindəki silahın sənədsiz olduğu müəyyənləşdirilib.

Girov götürülən qadın xəsarət almadan xilas olub. Polis bölməsindəki ifadəsindən sonra A.G. məhkəmə tərəfindən həbs olunub.

Hadisə ilə bağlı araşdırma başladılıb.

Telegramda izləyin