Arvadını güllələyən şəxs eyni silahla intihar etdi

Adıyamanda həyat yoldaşını güllələyən şəxs daha sonra eyni silahla intihar edib.

Sonxeber.az türk mediasına istinadən xəbər verir ki, Adıyaman Merkez Bahçelievler səmtində Kahramanlar küçəsindəki evlərində yaşayan Merve Daşcan (25) ilə əri Əkrəm Daşcan (36) arasında bəlli olmayan səbəbdən mübahisə yaranıb. Mübahisədən sonra Merve qaçmağa çalışıb. Əlində silahla onun arxasınca düşən Ekrem evlərinin qapısında Mervenin başından atəş açaraq onu öldürüb.

Əkrəm Daşcan daha sonra eyni silahla özünü öldürüb. Evdə olan 1, 4 və 7 yaşlı uşaqların qışqırıqlarını və atəş səslərini eşidən qonşular vəziyyəti polisə xəbər veriblər.

Hadisə yerinə gələn polis Merve və Əkrəm Daşcanın həyatını itirdiyini müəyyən edib. Polisin və prokurorun apardığı araşdırmaların ardından onların cəsədləri incələnmə üçün tibbi ekspertizaya aparılıb. Hadisəyə şahid olan uşaqlar polis tərəfindən ordan uzaqlaşdırılıb.

Hadisədən sonra polis Merve və Əkrəm Daşcanın ailələrinin mübahisə etməməsi və hər hansı bir neqativ halın qarşısını almaq üçün ekspertizada təhlükəsizlik tədbirləri görüb.

Faktla bağlı araşdırmalar davam edir.

Telegramda izləyin