Polisdən qaçan şəxs həyatından oldu

İstanbul Bahçelievlerdə şəxsiyyət vəsiqəsi yoxlaması zamanı polisdən qaçan 3 Suriya əsilli şübhəlidən biri çıxdığı eyvandan yıxılaraq ölüb.

Sonxeber.az türk mediasına istinadən xəbər verir ki, Bahçelievler mahalının Kocasinan rayonunda polislər şübhəli hesab etdikləri 3 nəfərin şəxsiyyətini yoxlamaq istəyib.

Polisi görən şübhəlilər qaçaraq evlərinin yerləşdiyi küçəyə daxil olublar.

Suriya vətəndaşı olan şübhəlilərdən 2-si şəxsiyyət vəsiqələri olmadığı üçün saxlanılıblar.

Digər şübhəli şəxs çardağa çıxıb. Polis qaçan şəxsin girdiyi mənzilin qapısını döyərkən, o eyvandan yıxılıb.

Məlumat verildikdən sonra hadisə yerinə təcili tibbi yardım və gücləndirici polis qrupu göndərilib.

Təcili tibbi yardım əməkdaşları 4-cü mərtəbədən yıxılan şəxsin həyatını itirdiyini müəyyən edib.

Mərhumun cəsədi tibbi ekspertizaya göndərilib.

Telegramda izləyin