Ata və oğul öldürüldü

Burdurun Gölhisar rayonunda borc üstündə mübahisə zamanı Ramazan Tin (53) və oğlu Məhərrəm Tin (30) ov tüfəngi ilə öldürülüb.

Sonxeber.az türk mediasına istinadən xəbər verir ki, hadisə dünən saat 19:00 -da Gölhisarın mərkəzi Konak Mahalında baş verib. M.K. adlı şəxs Gölhisar səmtində su boruları satan Ramazan Tinə və oğlu Məhərrrəm Tinə ov tüfəngi ilə atəş açıb. Buna səbəb onların aralarında borc üstündə yaranan mübahisə olub. M.K daha sonra hadisə yerindən qaçıb.

Ətrafdakıların məlumatı üzərinə hadisə yerinə təcili tibbi yardım və polis sövq edilib. Təcili tibbi yardım əməkdaşları Ramazan Tinin hadisə yerində öldüyünü müəyyən edib. Təcili tibbi yardımla Gölhisar Dövlət Xəstəxanasına aparılan Məhərrəm Tin orada ilk müalicəsini alıb. Sonra o Burdur Dövlət Xəstəxanasına göndərilib və əməliyyat olunub. Lakin bütün müdaxilələrə baxmayaraq Tini xilas etmək mümkün olmayıb.

Hadisədən sonra maşınına minən M.K. Burdur istiqamətində qaçmağa çalışıb. Lakin o, Tefenni rayonunda polis tərəfindən saxlanılıb.

Polis bölməsindəki ifadəsindən sonra ədliyyəyə sövq edilən M.K. məhkəmə tərəfindən həbs edilərək həbsxanaya göndərilib.

Faktla bağlı araşdırmalar davam edir.

Telegramda izləyin