Həyatını bədən dili ilə YAŞAYANLAR: Nə dərəcə DOĞRUDUR? - AÇIQLAMA

Bədən dili duyğularımızın və düşüncələrimizi ifad edən hərəkətlər toplusudur. İnsanlar həyatları boyu bədən dilindən stifadə edirlər, çox vaxt bundan xəbərsizdirlər. Ancaq sözlərini idarə etdiyi kimi, bədən gərəkətlərini idarə edə bilmir. Bədənimiz hadisələrə daha çox kortəbii reaksiya verir. Düşüncələrimizi gizlətmək mümkün olsa da, lakin bədən dilimizi gizlətmək çox vaxt mümkün olmur.

Amma həyatlarını bədən dili ilə yaşayanlar var. Hər nə qədər bədən dili ilə bağlı qaranlıq məqamlara psixologiya elmində aydınlıq gətirilsə də, bəzi insanlar həmin dilə çox önəm verirlər. Bəs bu nə dərəcədə doğrudur?

Mövzu ilə bağlı Sonxeber.az-a danışan klinik psixoloq, psixoterapevt Rövşən Nəcəfov deyib ki, psixologiyada bədən dili düşüncənin ifadəsi ilə assosiasiya olunur. Ümumiləşdirilmiş bədən dili anlayışı yoxdur. Hər kəsin öz bədənin dili var. Bədəni dili fərdidir. Hansısa jestlər şəxsin düşüncəsini ifadə etməyə bilər:

"İlkin müşahidə zamanı bədən dilinə diqqət edilir. Bədən dilində psixoloji halın nizamsızlığı varsa, şəxslə bağlı ilkin şübhəyə əsas yaratmaq olar. Amma bu şəxsin ümumi davranışında da qeyri-adekvatlığını göstərəcəkdir. Ən yaxşı bədən dili susmaqdır. İnsan danışmağa başlayanda jestlər və mimikalar hərəkətə keçir. İnsan bədən dilini bloklayada bilər. Ona görə də, şəxsin jest və mimikaları susmayanda diqqətə alınır".

Psixoloqun sözlərinə görə, bədən dili şəxsə görə dəyişir. Hansısa hərəkətə şəxsin yüklədiyi məna çox vacibdir. Bir nəfərin etdiyi hansısa mənfi jest, başqasında müsbət jest ola bilər:

"Jestlər və mimikalar həmin anın təzahürüdür. İnsan hadisəyə özünü ifadə etmək istədikdə, hadisəyə uyğun təcrübəsini ifadə edir. Aqressiv davranışları ümumiləşdirmək olar, amma sabit halı bədən dili ilə ifadəsini dəyərləndirmək doğru deyil. Bədən dili ilə hərəkət şəxslərin mövqeyi eyni deyil. Bədən dilini doğruluğu üçün şəxs sorğulanmalıdır. Jestlər və mimikaları ancaq şəxs özü deyə bilər ki, hansı fikri ifadə etmək istəyir. Başqasının davranışlarını mənalandırmaq qınaq və qərəz yarada bilər".

Rövşən Nəcəfov vurğulayıb ki, biznes psixologiyasında bədən dili uyğunluq formalaşdırır. İş həyatında insanlar özlərini etiket qaydaları ilə ifadə edir. Ümumiləşdirmiş bədən dili var ki, bunlar artıq biznes psixologiyasında doğrular hesab olunur:

"Şəxsin ünsiyyət zamanı hərəkətləri onun mədəniyyətini göstərir. Hörmət əlaməti olaraq insanlar bir-birlərinə qarşı diqqətli olurlar. Hər işin öz qaydası, həm də bədən dili var. Peşəyə görə davranış qaydaları formalaşıbdır. Uzun illər hansısa sahədə istər geyim, istərsə də hərəkət standartlar yaradıb. Bu artıq peşəyə uyğun çərçivənin mövcudluğudur. Şəxsi münasibətlərdə isə hansısa bədən dilinin konkretliyi mövcud deyil, şəxsə görə dəyişir. Hansısa kitabı oxuyub həyat tərzi yaratmaq doğru deyil. Kitablar təcrübənin yaratdığı düşüncənin ifadə formasıdır. Heç bir kitab insana qayda qoya bilməz. Amma düşüncə yarada bilər. İnsanın həyata baxış inancları düşüncələri ilə tənzimlənir. Hər kəsin həyata baxışı eyni olmadığı üçün öyrənilən hansısa fikir də eyni qəbul edilmir. Şəxsin qəbul etdiyi anlayışlar onun bilik və təcrübələrinə bağlıdır".

Sevda Səfərova

Telegramda izləyin