Bir yaşlı qızı sillələyən kişi saxlanıldı

Barselonanın məşhur Montjuic təpəsində, turistlərin sıx olduğu ərazidə dəhşətli hadisə baş verib.

Sonxeber.az xarici mediaya istinadən xəbər verir ki, 31 yaşlı ekvadorlu kişi 1 yaşlı qızı sillələyib. Hadisə anı kameraya düşüb və sürətlə sosial mediada yayılıb.

Kadrlarda kişinin əvvəlcə uşağı qorxutduğu, daha sonra isə balaca qızın üzünə bərk sillə vurduğu görünür. Uşağın ailəsi dərhal işə qarışaraq qızlarını ordan aparıblar. Polis kiçik qızın yüngül xəsarət aldığını və xəstəxanaya yerləşdirilməsinə ehtiyac olmadığını açıqlayıb.

Şübhəli şəxs eyni həftə sonu daha iki nəfərə hücum etdiyi iddiası ilə həbs edilib. O çərşənbə günü məhkəməyə çıxarılacaq.

Bu hadisə onu göstərir ki, Barselona turizm siyasətinə və təhlükəsizlik tədbirlərinə yenidən nəzarət etməldir.

Telegramda izləyin