Açıq geyindikləri üçün mindikləri təyyarədən endirildilər - VİDEO

Amerikada Spirit Hava Yollarına məxsus Los-Ancelesdən Nyu Orleansa uçan təyyarədə gözlənilməz hadisə baş verib.

Sonxeber.az xarici mediaya istinadən xəbər verir ki, Teresa Araujo (34) və rəfiqəsi Tara bir dostlarının ad gününü qeyd etmək üçün səyahət ediblər. Onlar
təyyarəyə mindikdən bir müddət sonra kişi stüardessa onlardan bağlı geyinməyi tələb edib. Hadisə zamanı Tereza və Tara cins şalvar, krop top və kardiqan geyiniblər və təyyarə isti olduğu üçün kardiqanlarını çıxarıblar.

Stüardessanın təkidi və mübahisənin böyüməsi ilə uçuş başlamamış qadınlar təyyarədən endirilib. Digər sərnişinlər qadınları müdafiə etməyə çalışsalar da, qadın nəzarətçi onları təyyarədən endirməklə hədələyib.

Təyyarədən enən kimi qadınlara başqa reysə yerləşdiriləcəkləri deyilsə də, bu baş verməyib. Tereza Delta Hava Yollarından yeni bilet almalı və daha beş saat gözləməli olublar.

Spirit Airlines rəsmisi şirkətin daşıma müqaviləsində müəyyən geyim standartlarının olduğunu və hadisəni araşdırdıqlarını bildirib.

Telegramda izləyin