Ərinin qəbri dağıdılan qadından şok açıqlama: "Evlilik təkliflərinə yox deyirəm deyə..."

Dənizlidə yaşayan Cennet Şanlıtürk (53) qəbiristanlığa 2022-ci ildə vəfat edən ərinin məzarını ziyarətə gedəndə ərinin qəbrinin dağıdıldığını görüb.

Sonxeber.az türk mediasına istinadən xəbər verir ki, vəziyyəti əvvəlcə qəbiristanlıq səlahiyyətlilərinə, sonra isə polisə bildirən Şanlıtürk bunu edənləri tapmaq üçün şikayət edib.

Qadın mərhum həyat yoldaşının məzarına sonuncu dəfə ötən həftə cümə axşamı günü gəldiyini bildirib.

Həftənin əvvəlində ərinin məzarını yenidən ziyarət edərkən dəhşətli görüntü ilə qarşılaşdığını ifadə edən Cennet Şanlıtürk: "Bazar ertəsi qayıdanda həyat yoldaşımın məzarını bu vəziyyətdə gördüm. İnsan bunu edə bilməz. Bunu edənlərə insan deməyə utanıram. Tezliklə bu əməli törədənlərin tapılmasını istəyirəm.

Mən heç kimi günahlandırmıram. Amma mənimlə evlənmək istəyənlər var. Mən onları rədd edirəm. Onların bunu eləmələrindən şübhələnirəm. Düşünürəm ki, evlilik təkliflərini qəbul etmədiyim üçün ola bilər. Mən heç kimin günahını boynuma götürmək istəmirəm, amma bu gün məzara bunu edən sabah mənə nəsə edə bilər.

Qoy bunu edənlər etsinlər: mənim itirəcəyim və qorxacağım bir şey yoxdur. Kim bunu edibsə, mənim qarşıma gəlsin və mənə də istədiyini etsin" deyə bildirib.

Telegramda izləyin