Avtobusdakı sərnişin qadın özünə qarşı əxlaqsız hərəkətlər edən köməkçini polisə verdi

Samsunda vəkil Ş.G. (27) getdiyi sərnişin avtobusunun köməkçisi O.K.-nın ona mesajlar və videolar vasitəsilə cinsi təcavüz etdiyini iddia edərək prokurorluqda cinayət işi qaldırıb.

Sonxeber.az türk mediasına istinadən xəbər verir ki, Samsun Vəkillər Kollegiyasının vəkillərindən Ş.G. qonaq getdiyi Giresundan qayıtmaq üçün avtobus bileti alıb. İddiaya görə, səfər zamanı avtobus köməkçisi O.K.-nin üzərində "Saqqızın varsa, verə bilərsən? Yerdə bir qutu siqaret görmüsən?" Yazılan kağızı Ş.G-yə verib.

Ş.G. köməkçiyə saqqızının olmadığını, siqaret qutusunu da görmədiyini deyib. Ş.G evə çatdıqdan sonra gecə yarısı sosial şəbəkədə 'O.K' adlı istifadəçidən mesaj alıb. Ş.G mesaj göndərənin kim olduğunu soruşduqda, "Sizi Giresundan Samsuna gətirən avtobus personalı mənəm" deyə cavab verib.

O qadınla görüşmək istədiyini deyən zaman Ş.G nömrəni bloklayıb. Bir gün sonra başqa nömrədən yenə mesajlar alan Ş.G. onun kim olduğunu soruşduqda "Dünən avtobusdakı köməkçi" cavabını verən şəxs qadına əxlaqsız mesaj və videolar göndərib. Nömrəni bloklayan Ş.G. həmin şəxs haqqında polisə şikayət edib. Hadisə ilə bağlı prokurorluqda cinayət işi qaldırıb.

Faktla bağlı araşdırmalar davam edir.

Telegramda izləyin