Bələdiyyə sədri vəzifədə olduğu ilk həftə öldürüldü - FOTO

Meksikanın Gerrero əyalətinin paytaxtı Çilpansinqo şəhərinin meri Alexandro Arkos vəzifəyə gəldikdən təxminən bir həftə sonra öldürülüb.

Sonxeber.az xarici mediaya istinadən xəbər verir ki, Arkosun hücum nəticəsində öldüyü açıqlansa da, hadisə ilə bağlı təfərrüatlar paylaşılmayıb.

Gerrero narkotik zorakılığından ən çox təsirlənən ştatlardan biridir.
Ştatın paytaxtı Çilpansinqo uzun müddətdir ki, iki narkotik dəstəsi, Ardillos və Tlakos arasında dəstə müharibəsinin səhnəsinə çevrilib.

Hökumətin 2006-cı ildə narkotik vasitələrin qanunsuz dövriyyəsi ilə mübarizəyə ordu göndərməsindən sonra Meksikada 450 mindən çox insan öldürülüb, on minlərlə insan itkin düşüb.

Üç gün əvvəl Çilpansinqo Bələdiyyə Şurasının katibi Fransisko Tapia öldürülüb.

BBC-nin məlumatına görə, Arkosun qətlindən sonra İnstitusional İnqilab Partiyası ədalətə çağırıb: "Bəsdir bu zorakılıq və cəzasızlıq! "Gerrero xalqı qorxu içində yaşamağa layiq deyil."

Partiya lideri Alejandro Moreno da Arkosun qətlindən kədərləndiyini bildirərək, X-də Tapiasını xatırladıb: "Onlar cəmiyyət üçün tərəqqiyə can atan gənc və dürüst dövlət qulluqçuları idilər".

Vüsalə İbrahimli

Telegramda izləyin