Yasda tabutdan səs gəldi: Dəfn edilən kişi sağ imiş - DƏHŞƏTLİ HADİSƏ

İstanbulda inanılmaz hadisə baş verib.

Sonxeber.az türk mediasına istinadən xəbər verir ki, dünən səhər saatlarında Fatehdə aparıldığı xəstəxanada ölüm şəhadətnaməsi verilən Halit Bayşunun meyiti cənazə namazı üçün Ayvansaray Hacı İlyas Yatağan məscidinə gətirilib.

Bu zaman insanlar tabutdan səs gəldiyini eşidib şoka düşüblər. Onlar dərhal hadisə yerinə təcili tibbi yardım çağırıblar.

Sağ olduğu təsbit edilən Bayşu təcili tibbi yardım maşını ilə xəstəxanaya aparılıb.

Lakin Bayşu bütün müdaxilələrə baxmayaraq dünyasını dəyişib.

Onun cəsədi Ədliyyə Tibb Qurumuna aparılıb.

Hadisədən sonra Bayşunun yaxınları Ədliyyə Tibb Təşkilatına gəlib.

Halit Bayşunun qardaşı oğlu Osman Bayşu "İnsanı ölmədən diri-diri qəbrə qoymaq buna deyilir. Danışa bilmirəm, çünki deməyə bir söz tapmıram. Onu öldü deyib cənazəsini ailəsinə təhvil veriblər. Ailəsi cənazəsini məscidə aparıb, onu kəfənə büküblər. Uşaqları və gəlinimiz tabutu qucaqlayıb ağlayanda, tabutdan gələn səsləri eşidib və şoka düşüblər. Məlum olub ki, dayımız ölməyib" deyə bildirib.

Qocanın morqda 3 saat qaldığı, cənazə namazından əvvəl yuyulduğu və bu müddətdə sağ olduğu məlum olub.

Ailə xəstəxana rəsmilərindən şikayət edəcəklərini açıqlayıb.

Telegramda izləyin