Öldürdüyü valideyinlərinin meyitlərini 4 il evdə gizlətdi

36 yaşlı Virginia McCullough, 2019-cu ilin iyununda Esseksdəki evlərində valideynlərini öldürdükdən sonra dörd il onların cəsədləri ilə birlikdə yaşayıb.

Sonxeber.az xarici mediya istinadən xəbər verir ki, McCullough 70 yaşlı atası Conu zəhərləyib, 71 yaşlı anası Loisi isə çəkic və bıçaqla öldürüb. O, atasının meyitini yataq otağındakı "müvəqqəti məzarlığa" qoyub, anasının cəsədini isə kisəyə bükərək qarderobda gizlədilib.

İllər boyu McCullough ətrafındakılara yalan danışırdı ki, valideynləri xəstədir və ya səyahət edir.

Ailənin həkimi şübhələndikdən sonra polisə xəbər verib. Polis evdə axtarış apararkən qətli törədən silahları tapıb. McCullough həbs olunanda cinayətini etiraf edib və "Cəzamı çəkməyim düzgün olar" deyib.

İstintaq zamanı məlum olub ki, McCullough qumara aludə olub və valideynlərinin pensiyasından istifadə edib. Psixoloq bildirib ki, qətllər aylarla düşünülüb və planlaşdırıldıqdan sonra törədilib.

Hadisə ilə bağlı araşdırmalar davam edir.

Telegramda izləyin