Xəxtəxanada növbə gözləyən qadın dünyasını dəyişdi

İngiltərədə 31 yaşlı Tamara Davis Brightondakı Xəstəxanada 10 saat dəhlizdə gözlənildikdən sonra dünyasını dəyişib.

Sonxeber.az xarici mediaya istinadən xəbər verir ki, təngnəfəslik şikayəti ilə xəstəxanaya gətirilən Tamara həkimin vaxtı olmadığı üçün ilkin tibbi yardımdan sonra dəhlizdə gözləməli olub. Vəziyyəti getdikcə pisləşən və qanla öskürəyə başlayan gənc qadına lazımi qayğı göstərilə bilməyib. Onun bacısı Miya bildirib ki, Tamara "ən həssas anında tərk edilib".

Tamaranın ölüm səbəbinin sepsis və orqan çatışmazlığı olduğu açıqlanıb. Ailəsi onun xəstəxanada aldığı "iyrənc" müalicə səbəbindən dünyasını dəyişdiyini iddia edib.

Tamaranın ailəsi xəstəxananı məhkəməyə verib.

Xəstəxana rəhbərliyi baş verənlərə görə çox təəssüfləndiklərini bildirib və üzr istəyiblər. Baş tibb bacısı Maggie Davies, xəstələr və onların ailələri tərəfindən gözlənilən standartlara uyğun ola bilmədiklərini etiraf edib.

Hadisə ilə bağlı araşdırmalar davam edir.

Telegramda izləyin