Polis ona bıçaq çəkən qadını öldürdü

Virciniya ştatında 33 yaşlı Sidney Vilson polis zabiti tərəfindən güllələnərək öldürülüb.

Sonxeber.az xarici mediaya istinadən xəbər verir ki, səhər zabit Peter Liu Vilsonun evinə gedib. Vilson əvvəlcə qapını açıb, lakin evə gələn şəxsin polis olduğunu anladıqdan sonra tez bağlayıb. Zabit Liu bir neçə dəqiqə qapını döyməyə davam edib.

Birdən Vilson əlində bıçaqla qapını açıb və zabitə hücum edib. O zabitin üzünə bir neçə bıçaq zərbəsi vurub. Bundan sonra zabit Liu silahından ona atəş açıb. Vilsona hadisə yerində ilkin tibbi yardım göstərilsə də, o, xəstəxanada keçinib.

Polis rəisi Kevin Davis bildirib ki, zabit Liu vəziyyətə nəzarət etmək üçün əlindən gələni edib. O, hadisənin daha da pisləşə biləcəyini bildirib.

Vilsonun Corctaun Universitetinin keçmiş basketbolçusu olduğu və universitetin ona hörmət etdiyi bildirilir.

Hadisə ilə bağlı istintaq davam edir.

Telegramda izləyin