Həyat yoldaşının şəklini paylaşan satıcını görün nə hala saldı

Antalyanın Kəpəz rayonunda Kıvanç Ş (44) adlı şəxsin həyat yoldaşı sosial şəbəkədə gül buketini paylaşıb. Onun paylaşdığı gül buketinin fotolarını gül mağazasının işçisi Eşref Yunus Yıldırıcının (29) bacısı F.Y. skrinşot edib və mağazanın sosial media hesabında paylaşıb.

Sonxeber.az türk mediasına istinadən xəbər verir ki, Kıvanç Ş. fotonun paylaşılmasına görə Eşref Yunusla mübahisə edib.

Bacısının səhv etdiyini deyən Eşref Yunus Kıvanç Ş-dən üzr istəyib və fotoları sosial mediadan silib. Lakin həyat yoldaşının fotolarının paylaşılmasına əsəbiləşən Kıvanç Ş. axşam saatlarında Yunusun işlədiyi gül mağazasına gedib. Onlar söhbət etmək üçün mağazanın anbarına daxil olublar. Bu zaman Kıvanç.Ş. Eşref Yunusu döyməyə başlayıb.

Təhlükəsizlik kamerasına düşən hadisədə Eşref Yunus yumruqla anidən yerə yıxıldığı görülüb. Əsəbi səngiməyən Kıvanç Ş. onu vurmağa davam edib. Bu arada mağazanın sahibi A.O. içəri girərək Kıvanç Ş-ni sakitləşdirməyə çalışıb. 112 Təcili Zəng Mərkəzinə məlumat verildikdən sonra hadisə yerinə polis və təcili tibbi yardım sövq edilib.

Huşsuz vəziyyətdə olan Eşref Yunus təcili tibbi yardım əməkdaşları tərəfindən xəstəxanaya aparılıb. Kıvanç Ş. isə hadisə yerinə gələn patrul qrupları tərəfindən saxlanılaraq polis bölməsinə aparılıb.

Reanimasiyaya alınan və beyninə qan sızan Eşref Yunusun səhhətinin ağır olduğu bildirilib. Kıvanç Ş. polis bölməsindəki əməliyyatlardan sonra məhkəmə tərəfindən tutularaq həbsxanaya göndərilib.

Faktla bağlı araşdırmalar davam edilir.

Telegramda izləyin