Əvvəlcə yanındakı qadını öldürdü, sonra intihar etdi

Adananın mərkəzi Çukurova rayonunda park edilmiş avtomobildə cinayət törədilib.

Sonxeber.az türk mediasına istinadən xəbər verir ki, Qarslılar rayonu Adnan Menderes bulvarında park edilmiş avtomobildən silah səsləri gəldiyini eşidən vətəndaşlar vəziyyəti 112 Təcili Zəng Mərkəzinə bildiriblər.

Məlumat verildikdən sonra hadisə yerinə polis və təcili tibbi yardım sövq edilib.

Avtomobilə baxış zamanı sürücü oturacağında olan Emre Naynal (37) və yanındakı Ayşegül Səfərin (40) həyatını itirdiyi müəyyən edilib.

Polis qrupları Naynalın Seferi silahla öldürdüyünü, daha sonra həyatına son verdiyini düşünür.

Hər iki meyit araşdırılma üçün tibbi ekspertizaya göndərilib.

Hadisənin hansı səbəbdən törədildiyi hələlik məlum deyil. Faktla bağlı araşdırmalar davam edir.

Telegramda izləyin