İş stresindən gənc qadının ayaqları və dili tutuldu - FOTO

İngiltərənin Susseks vilayətində yaşayan 25 yaşlı qadın iş stresindən iflic olub.

Ölkə.Az "The Sun"a istinadla xəbər verir ki, Emili Nyumen adlı qadının anidən vəziyyəti pisləşib və o xəstəxanaya çatdırlıb.
Ayaqları və dili tutulan qadın son ana qədər həkim müalicəsindən keçməyib.

Xəstəxanaya yerləşdirildikdən sonra o çoxsaylı müayinələrdən keçsə də, həkimlər narahatlığın səbəbini tapmaqda çətinlik çəkiblər.

Sonda müayinələr nəticəsində Emiliyə funksional nevroloji pozğunluq (FND) diaqnozu qoyulub. Həkimlər onun qəfil simptomlarının iş stresi ilə bağlı olduğu qənaətinə gəliblər.

"Mənim nitqim ləngiyir, ləngiyir. Bəzən heç ünsiyyət qura bilmirəm. Danışığım getsə, üç-altı saata qayıdır" – Emili deyir.

Xəstə onda həftədə 10 dəfə tik atakları yarandığını bildirib. Emili bu zaman özünü vurduğunu deyib və bu vəziyyəti "dəhşət" adlandırıb.

Qeyd edək ki, tik atakları birdən-birə qeyri-iradi üzə çıxan ani, sürətli, fasiləli, ritmik olmayam bir qrup əzələnin daralması nəticəsində yaranan təkrarlayıcı hərəkətlər, mimikalar və ya səslərdir.

Telegramda izləyin