Metro stansiyalarından birinə "İrəvan" adı verilir? – AÇIQLAMA

İrəvan Azərbaycanın tarixi torpağı olsa da, bu gün Ermənistanın paytaxtı və beynəlxalq hüquqla tanınan ərazisidir. Son günlər sosial şəbəkələrdə Azərbaycanda "İrəvan" adlı metrostansiya yaratmaq və ya küçələrdən birinə "İrəvan" adını vermək barədə müzakirələr gedir. Bəs görəsən bu təkliflər reallaşa bilərmi?

Mövzu ilə bağlı Sonxeber.az – a açıqlama verən politoloq Turan Rzayev bildirib ki, bu addım indiki məqamda sülh prosesinə zərər verə bilər:

"Belə bir addım xüsusi ilə indiki məqamda sülh prosesinə zərər verə bilər. Əgər Ermənilərin Qarabağa ərazi iddiası etməsini istəmiriksə bu tipli ritoikadan uzaq durmalı, sülh prosesi boyunca maksimum konstuktiv olmalıyıq. Əlbəttə ermənistan tərəfinin nazı ilə oynayaq ya da provakasiyalarına cavabsız qalaq demirəm. Xüsusi ilə bu tipli addımlara ehtiyac görmürəm. Əgər Ermənistan İrəvanda Laçın, Şuşa, Xankəndi və ya Bakı stansiyası açsa, bu halda biz də eyni cür cavab verə bilərək. Amma bu baş vermədən bizim ortada heç nə yox ikən belə bir təşəbbüs irəli sürməyimiz heç bir müsbət divident vədd etmir. Onsuz da Azərbaycanda Qərbi Azərbaycan icması fəaliyyət göstərir və bu icma başlı-başına bir mesaj və təzyiq elementidir. Ölkə başçısı prezident İlham Əliyevin də dediyi kimi Qərbi Azərbaycanlılar öz ata-baba yurdlarına gec-tez qayıdacaq, amma biz bunu mühairbə ilə etməyəcəyik.

O ki, qaldı hansısa küçəyə ad verilməsinə - bu mümkündür. Misal üçün bakıda İzmir Parkı, Tblisi prospekti, Təbriz küçəsi və s var. İrəvan da ola bilər. Amma burada bir mühüm detal var. Biz hansıa parka küçəyə prospektə adını verdiyimiz şəhərə ərazi iddiası etmir ya da həmin şəhərin aid olduğu ölkə ilə mühairbə vəziyyətidə deyilik. Yəni dinc dövrdə dostluq nişanəsi olaraq bu addımı atırıq. İndiki məqamda Ermənistanla belə bir şey etmək mümkün deyil. Sülh olarsa, bunu sinvolize etmək məqsədi ilə bu təşəbbüsü gerçəkləşdirmək olar".

Çiçək Sadatova

Telegramda izləyin