Məşhur aparıcının bank hesabından 450 min oğurlandı

Türkiyədə Mustafa A. adlı şəxs TV100-ün məşhir aparıcısı Cansu Canan Özgenə zəng edib.

Sonxeber.az türk mediasına istinadən xəbər verir ki, o, aparıcıya bank hesabının təhlükəsizliyi üçün tədbir görülməli olduğunu deyib. Şübhəli çəxs Özgeni əmin edib ki, o bank işçisidir. Mustafa A. aparıcının şəxsi bank hesabına daxil olaraq başqa hesaba 450 min lirə köçürüb. Vəziyyəti anlayan Özgen dərhal bank rəsmilərinə zəng edib.

Məşhur aparıcı hesabları bağlandıqdan sonra prokurorluğa gedərək cinayət işi qaldırıb. Özgen açıqlamasında şəxsi hüquqlarına qəsd edildiyini, ona maddi və mənəvi ziyanın vurulduğunu bildirib. Araşdırmalardan sonra şübhəli Mustafa A. saxlanılaraq nəzarətə götürülüb və məhkəmə tərəfindən həbs edilərək həbsxanaya göndərilib.

Mustafa A.-ya qarşı "xüsusi fırıldaqçılıq" maddəsi ilə 10 il həbs tələbi ilə iddia qaldırılıb.

Telegramda izləyin