Özünü sancan ilanı boynuna dolayıb xəstəxanaya getdi - VİDEO

Hindistanın Bihar əyalətində yaşayan Prakaş Mandal adlı şəxsi ilan sancıb.

Sonxeber.az xarici mediaya istinadən xəbər verir ki, Hindistanın Bihar əyalətinin Bhaqalpur şəhərində baş verən hadisə bütün ölkəni heyrətə salıb. Prakaş Mandal adlı adamı dünyanın ən zəhərli növlərindən biri olan Rassel gürzəsi dişləyib. Lakin Mandalın hadisəyə reaksiyası çox qeyri-adi olub.

Mandal ilan sancdıqdan sonra həyəcanlanmaq əvəzinə onu tutub. Daha sonra ilanı boynuna dolayıb və xəstəxanaya gedib. O boynunda ilanla xəstəxanaya girib. Bu dəhşətli vəziyyətlə üzləşən xəstələr və həkimlər qorxu içində hadisə yerindən uzaqlaşıblar. Xəstəxana işçiləri Mandalı tez bir zamanda təhlükəsiz əraziyə aparıblar. Uzun müddət ilanı buraxmayan Mandal nəhayət həkimlərin təkidi ilə onu buraxıb və müalicə altına alınıb.

Bu qeyri-adi hadisə sosial mediada sürətlə yayılaraq böyük marağa səbəb olub. Mütəxəssislər vurğulayıb ki, ilan sancması zamanı bu cür davranış son dərəcə təhlükəlidir və qətiyyən tövsiyə edilmir.

Ümumdünya Səhiyyə Təşkilatının hesabatlarına görə, Hindistanda ilan sancması ciddi ictimai sağlamlıq problemidir. Son illərdə çoxlu insan bu səbəbdən həyatını itirib. Xüsusilə Russell gürzəsi, krait və kobra növləri ən təhlükəli ilanlardan sayılır.

Telegramda izləyin