Yardım etdiyi su satan qadının videosunu paylaşması tənqidlərə səbəb oldu - VİDEO

Türkiyədə ehtiyacı olan insanlara pul paylayan və həmin anları lentə alaraq sosial şəbəkə hesabında paylaşan şəxsin su satan qadına etdiyi hərəkətlər hiddət doğurub.

Sonxeber.az türk mediasına istinadən xəbər verir ki, sosial şəbəkələrdə yayımlanan xeyriyyə videosu böyük əks-sədaya səbəb olub. İşıqforun qırmızı işığında su satan qadını görən İbrahim Yılmaz adlı şəxs cibindən pul çıxararaq suyun hamısını almaq istədiyini bildirib.

Həmin şəxs 100 lirəlik əskinasları bir-bir qadına verib və həmin anları lentə alaraq sosial media hesabında paylaşıb. Böyük reaksiyalara səbəb olan görüntülərə "Bu türk xalqına təhqirdir", "Bunları qanun tənzimləməlidir", "Bu adam kimdir, nə haqla insanları bu şəkildə paylaşır?" "Tək məqsədi şoudur" kimi şərhlər yazılıb.

Telegramda izləyin