Sürücünün idarəetməni itirməsi 6 nəfərin ölümünə səbəb oldu - VİDEO

Aksarayda tur avtobusunun yol kənarındakı xəndəyə aşması nəticəsində 6 nəfərin öldüyü, 34 nəfərin yaralandığı qəzadan sonra açıqlama verən avtobus sürücüsü Nurhan Hazer, "Səhər günəşi gözümü qamaşdırdı, baryerlərə yüngülcə toxundu. Qurtarmağa çalışarkən yol kənarına aşdıq."

Sonxeber.az xarici mediaya istinadən xəbər verir ki, qəza saat 07:00 radələrində Aksaray-Ankara şosesi üzərindəki Acıpınar mövqeyində meydana gəldi. Əldə edilən məlumata görə, Balıkəsirdə Bandırmadan yola çıxan Nurhan Hazerin idarə etdiyi Akhisar Travel şirkətinə məxsus 45-HB-05-60 nömrə nişanlı "Mercedes" markalı sərnişin avtobusu sürücünün idarəetməni itirməsi nəticəsində baryerlərə çırpılıb. Təxminən 70 metr sürüklənən avtobus xəndəyə düşdü.

Xəbər üzərinə çox sayda təcili yardım, xilasetmə və jandarma qrupları hadisə yerinə sövq edildi. İlkin məlumata görə, qəza nəticəsində 6 nəfər ölüb, 34 nəfər yaralanıb. Yaralılara təcili tibbi yardım maşınları tərəfindən hadisə yerində ilkin tibbi yardım göstərildikdən sonra onlardan 24-ü Aksaray Təhsil və Araşdırma Xəstəxanasına, 10-u isə özəl xəstəxanalara aparılıb. Burada müalicə alan yaralılardan 4-nün vəziyyətinin ağır olduğu öyrənilib. Həyatını itirən 6 nəfərin şəxsiyyətini müəyyənləşdirmə işləri davam edərkən, cəsədlər yarılma üçün meyitxanaya aparılıb.

Vüsalə İbrahimli

Telegramda izləyin