Mübahisə zamanı rəfiqəsini öldürən qız həbs edildi

İzmirin Buca rayonunda bıçaqlanmış vəziyyətdə tapılan Fidan Çakırın qatili saxlanılıb.

Sonxeber.az türk mediasına istinadən xəbər verir ki, Buca Dumlupınar məhəlləsi 89-cu küçədə yerləşən mənzildə tək yaşayan Fidan Çakırdan (28) xəbər ala bilməyən yaxınları vəziyyəti 112 Təcili Zəng Mərkəzinə bildiriblər. Hadisə yerinə polis və təcili tibbi yardım əməkdaşları sövq edilib. Çakırın yaşadığı mənzilin qapısı çilingərin köməkliyi ilə açılıb. Evə girən qruplar, Fidan Çakırın çürüyən meyiti ilə qarşılaşıb. Həkimlər Fidan Çakırın cansız bədənini müayinə edərkən onun təxminən bir həftə əvvəl öldüyünü müəyyən edib. Hadisə Yeri Araşdırma Şöbə Müdirliyi qrupları mənzildə araşdırma apardıqdan sonra Çakırın meyiti tibbi ekspertizaya aparılıb.

Hadisə ilə bağlı genişmiqyaslı araşdırma aparan Asayiş Şöbə Müdirliyi Cinayət Büro Komandiri, Cinayət Təhlil Büro Komandiri və Kəşfiyyat Şöbə Müdirliyi qrupları, hadisə nəticəsində həyatını itirən Fidan Çakırın qatilinin axtarışına başlayıb. Tibbi ekspertizanın rəyində hadisənin 8 gün əvvəl baş verdiyi və gənc qız kəsici alətlərlə öldürüldüyü bildirilib. Polisin araşdırması zamanı hadisəni törədən şübhəlinin Fidan Çakırın dostu olan D.E (31) adlı qadın olduğu müəyyən edilib.

İstanbulda bir oteldə gizləndiyi aşkarlanan qətl şübhəlisi D.E. Cinayət Bürosu qrupları tərəfindən tutularaq İzmirə gətirilib. D.E polis idarəsindəki ifadəsində Fidan Çakırı bir anlıq mübahisədən sonra bıçaqla öldürdüyünü etiraf edib. O polis bölməsindəki əməliyyatlardan sonra sövq edildiyi məhkəmə tərəfindən həbs edilib.

Faktla bağlı istintaq davam edir.

Telegramda izləyin