Öldüyü bildirilən 8 aylıq körpə dəfn günü tabutunda hərəkət etdi

Braziliyanın Correia Pinto şəhərində dəfn mərasimi zamanı tabutunda hərəkət edən 8 aylıq Kiara Moura dos Santos təcili olaraq xəstəxanaya aparılıb.

Sonxeber.az xarici mediaya istinnadən xəbər verir ki, Kiara oktyabrın 19-da Faustino Riscarolli xəstəxanasına aparılıb və həkimlər onun nəfəs almadığını təyin edib və ailəsinə onun ölümü ilə bağlı məlumat verilib. Ölüm xəbərindən cəmi iki saat sonra ailəsi körpənin meyitini morqdan götürərək dəfn üçün hazırlıqlara başlayıb.

Dəfn mərasimi axşam saat 19:00-da başlayıb. Dəfndə iştirak edənlərdən biri Kiaranın tabutda hərəkət etdiyini görüb. Mərasim dayandırılıb və anası körpənin yanına qaçıb. O, Kiaranın ona uzatdığı əlini bərk-bərk tutduğunu görüb.

Hadisə yerinə çağırılan təcili tibbi yardım əməkdaşları Kiaranın hələ də nəbzini tutduğunu bildirib.

O təcili xəstəxanaya çatdırılıb. Lakin xəstəxanada edilən bütün müdaxilələrə baxmayaraq körpəni xilas etmək mümkün olmayıb.

Kiaranın ailəsi 24 saat ərzində ikinci dəfə övlad itirmə acısı ilə sarsıldığını bildirib.

Xəstəxana körpənin səhvən "ölü" elan edildiyini etiraf edib və ailəsindən üzr istəyib. Hadisə ilə bağlı araşdırmanın 30 gün ərzində yekunlaşacağı bildirilib.

Telegramda izləyin