Sürücü sükan arxasında huşunu itirib - VİDEO

Kolorado Sprinqsdə baş verən dramatik hadisədə avtobus sürücüsü sükan arxasında olarkən halı pisləşib. Bunu görən sərnişinlər tez reaksiya göstəriblər.

Sonxeber.az xarici mediaya istinadən xəbər verir ki, təhlükəsizlik kameralarına düşən görüntülərdə sürücünün qəfildən xəstələnərək oturduğu yerdən yıxıldığı və iki cəsur sərnişinin dərhal hərəkətə keçdiyi görünür.

Əlində qəhvə fincanı tutan birinci sərnişin sürücünün vəziyyətini yoxlayarkən, avtobusun arxasında oturan digər sərnişin qaçaraq nəqliyyat vasitəsini idarə edib. Bu qəhrəman sərnişin dərhal radio vasitəsi ilə mərkəzə məlumat verərək, "Mən cənub istiqamətində 1 nömrəli avtobusdayam. Sürücü huşunu itirib. Avtobusu saxlayıram. Nəfəs alır, amma deyəsən tutması dayanıb" - dedi.

Mountain Metropolitan Transit şirkəti sürücünün üç sərnişini olan avtobusda səhhətində problem yarandıqdan sonra öldüyünü təsdiqləyib. Ailənin xahişi ilə sürücünün kimliyi açıqlanmayıb.

Vüsalə İbrahimli

Telegramda izləyin