Atasını və qardaşını öldürüb evlərini yandıran oğul qətli etiraf etdi

Dənizlinin Tavas rayonunda ata və qardaşını tüfənglə öldürüb, ertəsi gün evlərini yandıran 28 yaşlı K.P qətli etiraf edib.

Sonxeber.az türk mediasına istinadən xəbər verir ki, Dənizlinin Aydoğdu rayonunda baş verən yanğın nəticəsində 60 yaşlı ata Süleyman P. və 35 yaşlı oğlu Muhammet P. ölü tapılıb. Hadisə ilə bağlı aparılan araşdırmada ailənin digər oğlu K.P. polisə verdiyi ilk ifadəsində cinayətini etiraf edib.

K.P baş prokurorluqda dindirildikdən sonra həbs edilib. Mərhum ata və oğulun cəsədləri tibbi ekspertizanın araşdırmasından sonra məhəllə qəbiristanlığında yan-yana basdırılıb.

Qeyd edək ki, hadisə ötən həftə bazar günü baş verib. K.P axşam saatlarında ov tüfəngi ilə atasını və qardaşını vuraraq öldürüb. Bir gün sonra isə cəsədlərlə birgə evi yandırıb. K.P ifadəsində: "Yuxarıdan göstəriş aldım. Tüfəngi əvvəl yoxladım. Evə girərkən tüfənglə atamı və qardaşımı vurdum, evdən çıxdım. Qəhvəxanaya getdim, dostlarımla söhbət etdim Ertəsi gün axşam qayıdıb evi yandırdım" deyə bildirib.

Telegramda izləyin